[حنين.]

كاتب النص الأصلي : Marooshe

بكتير أحيان منلاقي انو الأهل بيستعجلو يلومو ويوبخو أطفالهن بدون ما يحاولو يفحصو مع الأطفال شو السبب من ورا تصرفهن ..
كتار بيعتقدو انو هاد طفل شو بيفهمو ؟ بيقومو بيوبخوه وبيقولولو "عيب ، اوعى تعيدها"
انو يصدر عنو ، بعدين نحاول نفهمو وين الغلط بهيك تصرف وشو النتائج لي بتصدر عنو وليش لازم يغيرو ...

هلأ ، كمان شغلة جدا مهمة:
من المفضل بس نتوجة لطفل انو نسألو "شو السبب" وما نسألو "ليش" ،

موضوع مهم كتير ،

يسلمو هدى

كلامك مهم وبمحلو كمان لانو هيك منتشر بين الاولياء بيربو بطريقة تقليدية فيها نوع من العنف اللي دائما بيجيب نتجة عكسية بتمرد الطفل
وحتى ادا ما تمرد بتنكسر شخصيتو ونقتل فيه روح التساؤل وحب التعلم وهدا ظلم كمان
تسلمي مرى عالاثراء

كاتب النص الأصلي : i m sam

يسلمو هدى على الموضوع يلي بوقتو .
هلق عندي نقطة ما بعرف اذا صح أو خطأ, انو ليه لنكون قدوة ليه ما نعلمهم انو كل تصرف يجب محاكمتو بالعقل قبل ما ناخد فيه.
كأب هو بشر او كأم يعني ممكن يخطأ أو يصيب
هلق مثلا الأب بيدخن هل لازم انو الولد يدخن كمان؟؟
مو لازم علمو انو الدخان مضر ولا يجعله صحيحا وحتى لو فعلوه كل الناس مو بس الأب.؟؟
شكرا مرة تانية

هو بوقتو بعرف وعن قصد واصرار كمان
بالنسبة لتساؤلك هلا بالمراحل الاولى للطفولة الطفل بيتعلم كل شيء تقليد للناس اللي حواليه وحتى ادا ما قلدهم في كتير اشياء بتتسجل فعقلو الباطن وتصير جزء منو لهيك لازم تتفادى تتصرف تصرف ما بدك يتصرفو ابنك
بس كمان الشرح بهالسن كمان بيتسجل وبنضاف عليه المعلومات يلي بيقر يحصلها الطفل من مصادر مختلفة مدرسة تلفزيون وغيرو وشخصيا بخاف الطفل يحس كانو مظلوم او محروم من حق اهلو مستاثرين بيه
عالعموم لسا مكملة بحث وكل ما الاقي شيء الو علاقة رح ضيفو وانتو كمان

كاتب النص الأصلي : satoman

هدى موضوع حلو
لإن تكوين شخصية اي فرد ناتج بدرجة كبيرة من عمليات التعلم التي مر بها خلال تفاعله مع البيئة خاصة فى فترات الطفولة

وهون اكيد دور الاباء والبيئه بيلعب دور كبير بصحة الطفل النفسيه

ليكنا بنحاول نتعلم حتى وقت يجد الجد نعرف نتصرف
مرسي ساتو

كاتب النص الأصلي : Marooshe

بهالنقطة انا معك .. مع اني مدخنة ، بس مابدي اولادي يكونو مدخنين ... لانو هالشي فعلا ما الو منفعة وحدة !
بس ازا بدي كون أم صالحة ضروري كون قدوة .. انو كيف ممكن اسمح لنفسي اني انهي ابني عن شغلة انا اصلاً عاملتها؟
ازا بدي كون مثال يحتذى بة لازم اتصرف كيف بعلم طفلي انو يتصرف وغير هيك بينتج عندك خلل بالعلاقة وتشوية لصورة الأهل ...

عبرتي عنها احسن مني مروى
معناتها لازم تبتدي تبطلي تدخين من هلا حتى تعيشي اطول وقت وباقوى صحة مع اطفالك
"اسفة عالتدخل بس بيني وبين التدخين تار ما بيموت"