بكتير أحيان منلاقي انو الأهل بيستعجلو يلومو ويوبخو أطفالهن بدون ما يحاولو يفحصو مع الأطفال شو السبب من ورا تصرفهن ..
كتار بيعتقدو انو هاد طفل شو بيفهمو ؟ بيقومو بيوبخوه وبيقولولو "عيب ، اوعى تعيدها"
بس بالحقيقة انو الأطفال بتفهم وكتير كمان ، بتلقط كلشي بمحيطها بسرعة أحيانا منستغربها ،
بقى .. طبيعي جدا انو تصرف الطفل يكون ناتج عن تقليد شي شافو من الاكبر منو أو ردة فعل لشيء معين ضايقو أو أسباب تانية كتيرة .. لهيك جدا مهم انو نمرق مع الطفل خطوة بخطوة ، نسألو شو السبب يلي أدى لهيك تصرف انو يصدر عنو ، بعدين نحاول نفهمو وين الغلط بهيك تصرف وشو النتائج لي بتصدر عنو وليش لازم يغيرو ...
هلأ ، كمان شغلة جدا مهمة:
من المفضل بس نتوجة لطفل انو نسألو "شو السبب" وما نسألو "ليش" ،
الفرق بين التنتين انو الأولى مصطلح يستعمل للأستفسار والتاني كلمة تستعمل للتأنيب ...
تنيناتون ممكن يجيبو نفس النتيجة بالأخير (انو الطفل يفهم انو مش لازم يرجع ع هيك تصرف) بس الفرق لكبير بيناتون هو في صقل شخصية الطفل لأنو في فرق بين انو طفلنا يفهم وين الغلط بتصرفو ويقتنع بشرح أهلو المنطقي .. وبين انو ببساطة يخاف من التأنيب بالمرة الجاية لهيك ما يعيدو ..
والأهل لي بيقولو هاد شو بيفهمو هني عمليا بيكونو عم يستهترو بطفلهن وعم يعيقو من نمو وتفتيحو .. !!
موضوع مهم كتير ،
يسلمو هدى
