[Barleb]

كاتب النص الأصلي : راديا

بتخجل من شوفير التاكسي ؟؟ليش لتخجل منو ؟؟؟
لانو ما عندك رفقات و لانو مو حد اهلك و بالاضافة لكتير من الاشيا هيي سبب هالخوف بس بنصحك تشوف حكيم ازا ما نفع ما بيضر و بالحقيقة الواحد بدو يساعد حالو ليعيش مش يخلق مشاكل بايدو متل ما عم تعمل انت و بخصوص الحب ما الك الا M ما بيصير تخبي عليها شي ازا تغير شعورك من ميلتا حكيها و فهمها اللي عم بيصير برك بتقدرو تنقذو هالشعور الحلو وحدة تعودت عليها و بتعرف عقليتها احسن من وحدة ما بتعرف عنا شي بالمرة ...
و ا نشالله بتتحسن امورك بالمستقبل

تقريباً .. كل شي ما فهمت .. بس هاد يلي بـ الأحمر .. اكتر شي ما فهمتو

كاتب النص الأصلي : whiterose

قرأتها وكأنها خاطرة لي تعليق ولي عودة

بارليب(نسر السريان سابقا)اول مرة بشوفك بطريقة مختلفة

ناطرك

كاتب النص الأصلي : ربيع انثى

انا بعاني من نفس المشكلة بس بمضمار تاني

بخاف انو روح احكي شغلة معينة انو بدي ياها او انو بدي اتناقش بحقي فيها لانو بخاف من نظرة العتاب
كتير بخاف انو يتطلع فيي يللي قدامي نظرة فيها عتاب

ولهاللحظة عم عاني من هالشي

الحل انو نسأل حالنا شو اقسى رد ممكن يتوجه؟نتشربو وبعدين نروح ,,,


بس للاسف لما اوصل لباب يللي بدي ياه بروح وبكمل اليوم تأنيب وكره لجبني

تقريباً نفس الشي عم يصير معي

كاتب النص الأصلي : جاد81

والله انا خجلي من الصبايا بالاخير رح يحرمني من الجازة

لك مو من الصبايا .. بـ العكس ... يسلمولي

كاتب النص الأصلي : homam85

الخجل سلاح مانو ضعف بس فيو مشكلة انو ذو حدّين..
الحد الأول جميل ومطلوب هالايام أكتر مما بتتصور..
أمّا حد اللي فيو ضرر هوي وقت بزيد الخجل عن حدّو وهون صفّا مشكلة..بس ممكن تنحل

والحل (برأيي)ببلش وقت تبطل تحسب لكل أمر شو عواقبو..في أمور انك تحسبلا_زيادة_ بتفقد كتير من عزيمتك تجاها..وممكن تبطّل وتتراجع حتى قبل ما تبلّش ...فلا تعطي الأمور أكتر من حقا بالحساب والتفكير..
في مثل انكليزي حلو كتير بقول:time has never stopped for any bady
يعني عيش اللحظة او اغتنم الفرصة دون أي حساب للعواقب لأنو ما رح يتكرّروا

بحاول ..

كاتب النص الأصلي : Najm

حقيقة الموضوع كثير حلو وخصوصا أنو راح بيي إلى ست أو سبع سنين ورا مع أحد الأصدقاء بليلة صيفية وكان الموضوع عن الخجل وعدم الثقة بالنفس اللي هيا الي تولد الخجل، الخجل مو عيب إذا كان في حدود ما هو منطقي أو ما نعتبره طابو بحسب تربيتنا ومحيط عيشنا فهنا كثير شغلات نخجل منهم بس المشكل هو عندما يتعدى هذا الخجل الحدود بحكم عدم القبول أو افتقاد الجرأة لطلب ما هو حق شخصي بغض النظر عن موقف الآخر هنا يختل التوازن النفسي للشخص وتقل جرأته ومع تكرار مثل ها الشغلات نعود أنفسنا إراديا على التقوقع والخجل حتى من أتفه الأشياء..
هناك فكرة بسيطة لتفادي هذا وبالتجريب وهي حتى و إن لم يتمكن الشخص من التغلب على هالحاجز لي هو الخجل يحاول إسقاطو على الآخر وبطريقة ذكية أن تنظر مباشرة في عينيه سواء حين تحدثه أو العكس وهالطريقة صدقني ستتمكن من جتياز الحاجز وسترى أن الآخر هو يلي يحاول تفادي نظرتك وعم يرتبك كمان ويخجل بس لازم تكرر هذا وتتعود عليه حتى وإن كنت خجلان بينك وبين نفسك استمر في النظر مباشرة وبداخل عيون من تحدث سواء كان ذكر أو أنثى، مدير أو عامل..
تحيتي إلك

مشكور .. من بعد الكلمة الحمرا .. بس هاد فهمتو