[Sarita]

كاتب النص الأصلي : Nay

انا كمان جديدة بالاخوية.. بس بأول شهر من اشتراكي بالاخوية انبعت الي برايفت من 5 من القدامى كتير بالاخوية وواحد مشرف انو هلا فيكي بينتنا ومن ها الحكي واستمرت الرسايل بيناتنا وفي منون صارو صحاب الي .. لانو الواحد اول ما يفوت على مكان جديد مو لازم يطلع كل بياختو وسطحيتو..
بعدين في شغلة كل الاعضاء بالاخوية بيعرفوا انو المنتدى كان ارقى بكتير من فترة وهلق نازل مستوى المشاركات كتير...

هاد هوي بيت القصيد
اي اسأ لله ع اخوية زمان وقت كان النظام سائد وحظر التجول وايام هاني و The Light

كاتب النص الأصلي : fernanda bachchan kfoury

اوف اوف اوف شوهاد يابا؟
بعدين شو عم تحسو ماتحسو ؟

هوي في شي من هزا القبيل انو في حاجز بين الاعضاء الجدد والاعضاء القدامى بس المشكلة مو من الاعضاء القدامى المشكلة بالاعضاء الجدد (مو كلن مع احترامي لبعض الاعضاء الجدد اللي بيبن ابداعن وحسن مناقشتن من خلال ردودن ) يعني بيضلو بالمسابقات وازا بتعمل موضوع بيقومو يتمسخرو ويقلبو الموضوع مزح فالموضوع يكون يحكي بشي بيصير يحكي بشي تاني donc الشغلة مو من الاعضاء القدامى لانو في اعضاء جدد صرنا معن رفقة وماشالله عليهن بيعئدوووو

شو جابك انتي؟
بس وعليه بضيف ع فرناندا
انو اخوية صارت كلها العاب والاعضاء الجداد مفكرين انون رح يكسبو صداقات من الالعاب وهاد الشي بديهي
لكن لانو البعض عم نوه هه؟ البعض ... صاير عم يتمسخر ويفتح بكل موضوع تشات الاعضاء "القدام" فلو وانسحبو من هالمواضيع
ومشان هيك عم نلاقي بس الاخوان اللهلوبين عم يسرحو ويمرحو هنيك فتركنالون ياها

كاتب النص الأصلي : سوا ربينا

لا ابو نجبو ما تشك لانو فعلا المشاركات بالمسابقات لا تحتسب ... ومتل ما قالتلك ياناس جرب بنفسك ...

هلأ شوف ويجا القصة وما فيها (طبعا رح احكي من تجربة ) انو مثلا اول ما كنت جديد هون باخوية حسيت بهالشي .. لانو ما كان الي اصدقاء او كنت بعرف حدا .. ومع الزمن صرت بعرف ناس كتير وهالشي خلا علاقتي باخوية وببعض اعضاء قدامى كتير منيحة وما عدت حسيت بانو في حاجز ... وغير هيك لانو معظم الاعضاء الجدد بتكون مشاركاتها بالسقيفة وبالمسابقات .. لهيك ما رح يلتقو بالاعضاء القدامى بس لو الاعضاء الجدد يشاركو بالمواضيع الجدية اكتر من المسابقات رح تشوف انو ما رح يصير في حاجز .. يعني بالمختصر الاعضاء القدامى بيشاركو بمواضيع جدية والجدد بالمواضيع المسابقات والسقيفة ... لهيك صعب شوي انو يلتقو ....

انا شخصيا وقت فتت ع الاخوية ما كان هالشي منوب
وادبا ما حسيت فيه بس دغري عرفت اللعب كيف عم يدور
هلأ سوا ربينا عضو جديد وفي أ ساكلي وفي وهج البراءة وفي وفي ووكلنا رفقات الحمدلله
واللامنتمي اللي دخّل علينا موجة اللغة العربية كمان حسيتو متعجرف بس بالاخير فهمت عليه
قرصان الادرياتيك اللي بتعتبرو من الجداد ما في منو والله وزلمة وابضاي والو كلمتو كمان

كاتب النص الأصلي : ..AHMAD

بغض النظر عن اني منسق

بالنسبة لكتير منكن هون .. اعتبر جديد ... وما حسيت بهالحاجز

يعني الفكرة اللي بدي قولها

كل حاجز ... بهالحياة ...

الخالق الوحيد لهالحاجز .. هوي الشخص اللي بيحس انو في حاجز

يعني هالحاجز الي عمتحكو عنو ... هوي الذات تبعكن خلقتو ... في كتير عالم بتحس بهالحاجز .. وكتير عالم كمان ومنهن انا لاء ..

الشغلة مو بالاعضاء القدامى .. الشغلة ممكن تكون بالاعضاء الجداد .. قانعين حالهن انو هدوليك قدامى وما بيتحاكو ... وعلى اساسها بيحكمو .. دون أي محاولة ...
هالحكي ما بقصد فيه اي شخص هون ... انما مجرد وجه من وجوه هالحاجز الي عمتحكو عنو

يه؟
والله فكرتك من المحاربين القدامى يعني فكرتك طالع ع المعاش؟
انو انا شخصيا احمد ما كنت بطيقو والله صراحة وبتمنى ما يزعل بس هلأ لمن عرفتو عن جد فهمتو وفهمت تفكيرو وقديشو طيوب وحبااااب
انو هي كونا صداقات وفي اي تفرقة ب Levels بين الاعضاء

كاتب النص الأصلي : حيفاويه

هلا صح انا قديمة بالاخوية .. بس قطعت فترة منيحه .. وحتى قبل ما اقطع
حسيت بهالشي
عيب الاخوية انو فيها متل الجروبات والشلل
بتحس في جروب للمشرفين
وجروب للاعضاء القدامى
يعني بفوت عضو جديد برد ع موضوع لعضو قديم
ما بينرد عليه ويمكن ما بينقرا كمان

اي مين اللي غير اسمو ورح بسبات عميق
ع القليلة كنتي خبرتينا
ولا عملتي نيولوك ومو ناوية حدا يشوفك خوفا من الحسد
لا تخافي رح غمض عيوني علـ .....ـة

--------------
بعدين بشرفك مو شايف هالموجة اللي اجت علينا يعني بلوة وانبلينا فيا
مو شايف انو البعض عامل احزاب من نفس البلد وعم يحط مواضيع هون وهون غلاسة وجكارة فينا؟
انو واضحة متل عين الشمس

وبعدين يا ويجا ما في عضو اتبهدل متل رامي 'Syrian Gay ' ولا قى الكتير صعوبة بفهمو وفهم شو عم يفكر فيه
بس عنجد الصبي ما في منو وما في من حنية وطيبة قلبو ما في ونعم الصديق هوي
يعني ما لازم تحس بهيك شي صديقي بالعكس انتي والاعضاء المميزين مرحب فيون اني تايم وبدون شروط كمان