احيانا لازم يفهم هادا الشخص المتعصب انو الحكي اللي بيحكي على الطوائف التانية هنن كمان بيحكو على طائفتو ..
بقصد انو المتعصبين من كل الطوائف بيشبهو بعضون كتير.. كلو بيعتبر بنات الطوائف التانية فلتانين وداعرات.. وانو بيمارسو الجنس بين المحارم.. وانو في اشخاص من طوائف معينة الهون اذناب متل الحيوانات.. وكلو كوم وه الغرفة اللي بيفوتو عليها وبيطفو الضو وكلون بيمارسو الجنس مع بعض على العمياني.. هي الشغلة صرت سمعانتا على مدري كم طايفة ..
انو اذا فيك تسكت سكوت .. بس انا شخصيا مافيني وانا بستمتع كتير بإخبار اي متعصب على اشغلات اللي بيعتقدوها المتعصبين من الطوائف الاخرى عنو وعن دينو او طايفتو.. بحب خلي يفهم انو هنن كمان شايفينو سيء.. لانو مابيعرفوه.. ومالون قدرة انهون يعرفوه.. وانو لما ما بيكون عندك قدرة تتعرف على الاخر وتنفتح عليه معناتا انت سامحلو يألف عليك قصص وتألف انت كمان عليه قصص ..
طائر واحد يكفي لكي لا تسقط السماء
فرج بيرقدار
|