[تيريزا]

بدك تشوف خفة الدم ......تعال واسمع هالمكالمة .......

التلفون برن...........رن ...رن...رن....

الطفلة : الوووووووو

الامرأة :الو مرحبا

الطفلة :أهلين ...

المرأة :وين الوالدة ؟

الطفلة : مافي عنا وحدة والدة...

المرأة : له له عيب عليكي ...

الطفلة :شو عيب وما عيب ..بقولك مافي عنا وحدة والده ..

المرأة :آه..قديش عمرك ياشطورة ؟؟؟

الطفلة : وشو عرفك إني شاطرة ؟؟

المرأة تضحك وتقول : مبين عليكي خفيفة دم ..

الطفلة : انت اللي خفيفة دم ...ديري بالك تقولي عني هيك ...

المرأة :مبين عليكي زغيرة ؟

الطفلة : أنا اطول منك ...

المرأة :طيب يلا اعطيني ماما ...

الطفلة : ليش هي امك عنا ؟؟

المراة :خلص نادي امك ...

الطفلة :مافي عند أمي نادي ...

المراة :الله يصبرني .....

الطفلة : يصبرك مع شوك ولا بدون شوك ؟؟

المرأة :تصرخ ,,, اعطيني حدا كبير ....

الطفلة :كبير بالحجم ولا بالطول ولا بالعمر ؟؟

المراة : اعطيني واحد برميل احكي معوووو.....

الطفلة :له له له بدك تحكي مع برميل ؟... بس البرميل جماد ....

المراة : هلا بجي لعندك اعطيني واحد كبير ...

الطفلة :لا لاتجي عندي ...هلا رفقاتي لما بروحو بتجي لعندي احسن ...

المرأة : طيب بس لو شوفك لأعملك بطاطا ...

الطفلة : بطاطا مسلوقة ولا بالفرن ؟؟

المراة : احسنلك اسكتي لانك زعلتيني ..

الطفلة : مين اللي زعل ( تيني ) وليش اصلا ( تيني ) بيزعل ؟؟

المراة : بكفي زودتيها عاد ...

الطفلة : وين عاد إلى بيته ولا لساته بالشارع ؟؟

المراة :آه إلى بيته ...مبسوطه ؟؟

الطفلة : الصراحة مش مبسوطة ...في شي مزعلني ...

المراة :خليه يزعلك بلكي فقعتي متل البلون ....

الطفلة : شو لون البالون اللي بلكي فقعت متلوو؟؟؟

المراة : تصرخ بأعلى صوتها .......وين الوالدة ؟؟؟؟؟

فتاخد الام التلفون من الطفلة ....

وتقول الوووووووو مين معي ؟؟

الامراة : ولي علينا ..شو هالبنت اللي عندك ...طلعتلي قرن براسي ...

الام :قرن شو , قرن غزال ولا قرن موز ؟؟

المراة : دايما رايقة وبتحبي تمزحي ...لا وانتي السادقة طلعلي قرن تور ...

الام :شو حجمة ؟؟

المراة تغلق السماعة وتذهب إلى بيت صديقتها ...ترن الجرس ..

فتقول الام للطفلة : اركضي وشوفي مين عالباب ...

تركض الطفلة نحو الباب , تحضر كرسي وتطلع عليه وتنظر الى اعلى الباب ,
وتقول مافي حدا على الباب ...بس في وحده ورا الباب ....

فتقول الام : خلص خليها ترن الجرس قد ما بدها ....

الطفلة : جرس بيتنا هدا اللي نحنا ساكنين فيه ولا جرس البيت اللي بدنا نشتريه ؟؟؟

الام : لا جرس بيت جيراننا ...

الطفلة : ليش في عند الجيران جرس ........وحول واركب عالفرس ......

هـــاهــاهاهاهاهاها

هــــوهــوهــوهوهوهوهو

هـــي هـــي هــي هي هي