[fernanda bachchan kfoury]

هاد ياسيدي اتفقت انا والشبيبة نروح نسهرلنا برّا ع اساس الدراسة والفحوصات قربو فقلنا لحالنا نروح نسرح ونمرح ونحشش ع رواق بعد ماوصلنا ع الديسكو ونحنا قاعدين شدتني عرين من ايدي الا وبدا ترقص وباعتبار هيي الزغيرة ماكان بدنا نرفضلا طلب فقمنا نرقص كلياتنا على هيصة وهبل ونطنطة من هون لهونيكي وبعدما تعبنا رحنا نقعد الا وشفنا هالشوفة البابا نويل قاعد ع طاولتنا وحدو قنينة ويسكي هالئد
فرناندا: لك لك مو هاد بابا نويلولا تاثير الرقص ماثر ع عيوني ؟
عرين:شبك انتي نجنيتي البابا نويل مابيجي لهيك اماكن ..حكالنا المنظوم مثنى انو مافي داعي نحلل الافضل انو نروح ونتاكد بانفسنا ووقت رحنا المفاجاة كان البابا نويل بيشرب من قنينة الويسكي ويبكي عحظو المعتّر

مثنى: عمو البابانويل هون؟ ياهلا فيك شوجابك هون؟
البابا نويل: ولا مالي ناقصك بروح وين مابدي مادخلك
فرناندا: بابا نويل لا تعصب بس ياحراام ليش البكي
البابا نويل: يا بنتي يا فرناندا الئصة طويلة بس باختصار هالسنة ماعندي توقعات ومافيني حقق ولا اماني
عرين:ئه وليش بئا؟(يعني هيي زغيرة لساتا بتصدق بالبابا نويل وما الى ذلك)
البابانويل: مابعرف شو صايرلي يمكن بلشت خرّف
فرناندا: لاتحكي هيك عمو النويل بس يعني كنت دايما بتمنى ازا لاقيك وشوفك شي يوم انو استفسر من عندك ع توقعات لمنتدى اخوية هالسنة
البابا نويل معصب: شبك انتي جدبة شي ئلتلك ما ع بقدر لا اتوقع ولا حقق اماني
فرناندا: وشبك هيك عم تضرّخ خلص ماقلنا شي
مشو شباب خلونا نفل بركي السنة الجايي بيبين بابا نويل جديد يقدر يتوقعلنا شي
ورجعت انا والشبيبة عالبيت وكلنا امل بحضور بابا نويل نيو وحليوة السنة الجايي ليحليلنا ياها