أنا مؤيدة للقواعد الأربعة الأولى والقاعدة 10والقاعدة 11 بقوة وبلاقين أهم العوامل لإنشاء علاقة صحيحة والمحافظة على استمرارا وهني ضروريين من الطرفين يعني من الشب والبنت
اقتباس:
|
القاعدة الخامسة: كثرة الموافقة.
|
زايدي شوي عن المطلوب يعني بصراحة أنا ما بحب الشب اللي بيوافق البنت على طول ولو على حسابو لأنو البنات ما بينعطو وجه لهالدرجة :P وبعدين الشب لازم يكون إلو وجودو وكلمتو وإلا بيكون خروق وما إلو شخصية
اقتباس:
|
القاعدة السابعة: الغيرة من غير تحصّن.
|
حلوي الغيرة الخفيفة والعقلانية اللي بتدل على الاهتمام والحب بس إذا زادت الغيرة عن هيك وصارت غيرة عميا بتصير مزعجة ومنفّرة وممكن تتحول لمفهوم قلة الثقة لأنو طالما في ثقة متبادلة فما في داعي للغيرة الزايدة
ويمكن الثقة هيي القاعدة 13
اقتباس:
|
القاعدة الثامنة: ترك الانتقاد.
|
اقتباس:
|
القاعدة التاسعة: ترك اللوم، والعتاب، والتوبيخ.
|
يعني ما لازم الترك النهائي بس التخفيف منن واستعمال اللياقة والزوق بتوجيه اللوم أو النقد قدر المستطاع والابتعاد الشديد عن التوبيخ
أما بقية القواعد إذا انوجدو ما بيضرّو
