رقعة
http://www.4shared.com/file/78388948/7ee6a232/Ogu_.html
وينك يا قلب النعناء ترجعلي ازيدك انشراح
والزيتونة بحئلة معلئة مدري مئطوفة
مدري فيها مرورة مدري بتصير حلوة متل زمن الاحلام
والشهباء يا شهباء
مصفوفين على شواطئ الانعزال مزينين بدموع ملت شقوق الانحدار
والروح يا روح صرتي سودا بدري بيضا متل الوميض وسعرك بسعر النوم عمخدة اكل منا السبات
والشهباء يا شهباء
يا قنديل المحبة بعتلي لشموع البحر الاصحاب
قبلة مظلمة بحجم انكسار إسمك بين الاشواك
عندليب الضواحي ليش لما بتكبر بتصير اصواتك مثل اصوات الغراب
والليل مالو صاحب غير البومة ذات الشهيق والازفار
بحبك يا البومة حتى لو كرهوك بزمن اللا طيور
باب بيتي يا معزل بيتي عن صراخ الرياح
ايمتى بيجي عمي منصور النجار وبخلي خشبك العاب الخطار
وبيصيرو يحركوك مدري يمين مدري على طول شمال
والحجرة الكبيرة صارت اشلاء تحت اقدام عارية من كل شئ الا العراء
بعتلي يا حصان الشبوبية سلام لحمام البرقيات
ائلو امتى بدو يرجع يستناني عشباك الاحزان
وينطر جيتي وبأيدي ورئة فاضية بكتب عليها مشوار الالف الي ما بيخلص بالياء
رحلتُ الى زمن المستقبل رأيت وجهي على بلورة من زجاج اليوم شققتُ يدي بها اعلمها ...
لأعرف عندما اعود اي قطعة كانت من مرأتي العسلية تذكرني بوجهي الشاب
اشتئتلك يا ضباب باب البيت . . ما بدك ترجع تغطي وجهي من المشوار
من دواعي سرورك ان تغوص في اعماق صورتك
تمضها بعينيك وذرايعك
وقلبك يلهو احيانا بخفقانه
وبصخب هذه الشكوى الوحشية المتمردة
فانتما تغمضان لا تبوحان
|