هلأ من وقت ما وعيت عالدنيا وأنا بشوف دائما بالأخبار حروب إذا مو كل يوم بيموت ناس بسبب الحروب فيوم ايه يوم لاء....
أغلب الحروب الي عم تصير للسيطرة عالثروات أو لزيادة الهيمنة بظن هدول ناس عندهم جنون العظمة أو جنون من نوع تاني لأنو صراحةً الواحد لما يشوف صور العالم الميتة والدم
والعالم المرماية بالأراضي يعني بيكش بدنو وبيقول يا حرام ماعندهون قلب ماعندهون رحمة....
"اليوم مثلا منزلين بالجزيرة صور لأطفال ماتت بالغارات على غزة شي بيوجع القلب والله"
وأغلب الناس الي بتكون مُجيّشة لتحارب بيكون مزروع بفكرهم كمية هائلة من الحقد عالطرف الآخر بأساليب معينة وكمان هنن ما بيحاولوا يفكروا شوي هل هالحكي هاد صحيح أو لاء,
وفي ناس كتير بيكون ما عندها فكرة أبدا أبدا بتلاقي أول كلمة بيسمعها مثلا بتكون ضد الطرف الآخر بكثير من الحقد والكراهية فبيعملها قاعدة وكتاب مقدس عندو
وبالتالي شو ماعملت أو حاولت تأسبتلوا انو يا أخي هاد الكلام مو صح في حقائق في وقائع بيقلك لاء هاد هو الكلام الصح فبتلاقي ما بدو يغير فكرتوا عن الطرف التاني ولا بأي شكل من الأشكال.....
هلأ كل هالناس الي بتستعمل السلاح لتقتل فيو ناس ما إلهم أي ذنب بأي شي وبدون استثناء فهنن مجردين من كل صفات الإنسانية, لأنو أحيانا بتلاقي حيوانات عندها رحمة أكتر منهن
أنا الدمَشقي لو جرحت جسدي .... لسال منه عناقيد وتفاح