اقتباس:
كاتب النص الأصلي : MadMax
يللي بيعرفلنا ايمتى و وين رح ينباعو البطاقات .. يبقى يخبرنا
|
معلمي شيل المزح ..اقسم بالله اللي عم يصير مسخرة .
يعني من يومين كنت عم قلك انو اذا بدي اسمع مرسيل عم يغني ( متصب القامة ) بدي اضحك .....هلأ بقلك انو اذا لسا بدو يغنيها بدي اقرف ....و رح كون كتير قرفان .
و هلأ ريم البنا ! ...انو يا اخي أنا مؤمن بانو الفن هو شكل من اشكال النضال ...تماما مقتنع هالشي يعني , بس اللي صار اليوم , باكدلي انو اليوم بالذات ما لازم نتلهى , او نلهي , او نلتهى باي شكل نضال غير النضال اللي هو نضال عن جد يعني .
صرلو تلاتين سنة لافف عالكفية ع كتفو و نازل بربنا اغاني وطنية مرسيل , نفس الاغاني الوطنية يعني ..ما انو في شي جديد .....مع انو كل يوم في شي جديد !!!
يعني كتير ملاقي حالو ظريف قدام الشهداء اللي سقطوا اليوم , و هو عم يقول بالاحمر كفناه ...بالاخضر كفناه ...بالاسود كفناه !!
انو ما بكون احسن , اذا متعمل اي شي تاني , غير انو نسمع مرسيل و هو عم يغنيلنا انو كفناه !!!!
انو ريم البنا بدها تغني ل سارة اليوم ؟
ما هني كم الف الف سارة ؟
انو ما بتستاهل سارة نعمل شي غير انو نسمع اغاني !!!!!
انو ما عنا غير هالاسلوب لنتعاطف مع سارة ؟؟؟
انو هو لازم بس نتعاطف مع سارة ؟؟؟؟؟؟؟؟
هلأ يمكن انا عم اتفلسف ...و يمكن عم زايد على ناس احسن مني بمليون مرة , و يمكن انا اخر واحد بحقلو يفتح تمو بحرف . بس هاد اللي عندي.
قدام الدم اللي نزل اليوم ..و مبارح ..و اللي رح ينزل بكرا ......لازم نوطي شوي صوت الموسيقى ...و نستحي على حالنا ....بما انو هيك هيك ما عم نعمل شي ..خلونا بس نستحي ...على حالنا
J.S: Death is the solution to all problems. No man = No problem.