هلا أنا لما قريت الموضوع أول مرة حسيت في شي فاتني وفي حلقة مفقودة بتسلسل أفكار الكاتب
ولما رجعت قريتو أجاني نفس الاحساس
على أي حال لاحظت في اسئلة بالموضوع ورح اسمح لنفسي جاوب عنها
اقتباس:
|
فمن يجرؤ من الإناث على الوقوف على منصة المحكمة للحديث عن "التحرش"؟!
|
من خلال أشيا وحوادث شفتها ومرت عليي بقلك عدد قليل من النساء بتملك هيك جرأة (هالكلام طبعا ببلادنا بالشرق) لأن لما رح تقف الأنثى بالمحكمة وتحكي فهون صار في تشهير بالشيء الحاصل ونحن مجتمع منخاف من كشف الحقائق لأن سمعة البنت رح تنضرب .... هي ما عدا البنت تخاف تقول لأهلها بالشي الصاير فكيف رح تروح على محكمة
اقتباس:
|
وهل يسامح المجتمع المرأة التي تتجرأ على مقاضة الذكور في التعامل معها كـ"حق عام" طالما أنها تركت "أخلاق الحرائر" وقررت اعتبار نفسها جزء من الحياة!!!
|
مجتمعك مصيبة....يعني بعد ما هالمرأة تصرح بأنها تعرضت للتحرش .. رح تتغير نظرة الناس الها وما عاد حدا يدق باب بيتا والله يستر اذا كانت خاطبة تفك الخطبة 
مجتمعنا ما بيرحم البنت حتى لما بتكون هي الضحية بيحط الحق عليها وأنها لعبت دور الشيطان
موضوع مهم جداً مع العلم بان كل البنات بالشرق خصوصاً بيتعرضو لهالتحرش الرخيص ابتدءاً بالنظرات مروراً بالكلام البذيء وانتهاء باللمس بأماكن الزحمة
بس أبشع شي بموضوع التحرش هو وضع الحق عالمرأة...
عوجـــــا
// وأنّ حضورك في دمي مسكُ الختام //
|