اقتباس:
|
كاتب النص الأصلي : الأستاذ
يعني هون مع موافقتي على كتير مما سبق بدي ذكر أنو أجهزة الأمن السورية مسكت العديد من شبكات التتجسس بعضا بسورية و أكترها بلبنان و على كل حال هيك عملية مو معناتا أنو الموساد عم يسرح و يمرح بالبلد، و ممكن تصير هيك قصة بأي بلد لو مهما كانت أجهزة المخابرات قوية فيه
و إذا بدنا نذكر مثال بهالمجال يمكن أحداث 11 أيلول بأميركا القوة العظمى بهالعالم هي المثال الأكتر قرب للذهن
 |
انا عندي تعليق هون أخي الاستاذ
هيك معلومات بتتعلق بشخصية سياسية عسكرية المفروض انها ملتجأة في سوريا مفروض تكون معلومات مهمة جدا جدا .. يعني معلومات متعلقة بأمن الدولة و الوطن. و لحتى اسرائيل او غير اسرائيل (الاردن مثلا) قدر يسرب هيك معلومات عن وجود هادا الشخص و قدر ينفذ العملية.. يعني هاي شغلة كبيرة كتير... لانو الشخصية المغتالة المفروض تكون سلامتها من سلامة أمن الدولة.. بما أنو نحنا حاملين القضية الفلسطينية فوق كتافنا و راكضين. يعني انا رأيي انو لاء هيك شيء ما عادي انه يصير بأي دولة.. خصوصي انو نحنا ما عنا شي نحكي و نتفاخر فيها بسوريا غير مخابراتنا و قديش قوية
و مشان يلي صار بأميركا... اكيد في تساؤلات كتير حول شلون جهاز الاستختبارات الاميركية ما قدر يتوقع الحادث او يوقفه... بس بالنهاية تذكر انو اميركا مانها بحالة حرب مع دولة مجاورة و ما في حالة طوارئ عندهم و استنفار متل عند بعض الدول... و الخاطفين قاموا بخطف الطائرة بسكاكين عادية... يعني صحيح كان في تخطيط كبير ما اختلفنا... بس ما تم سرقة معلومات او تسريب معلومات بتتعلق بأمن الدولة
يعني لو الاجهزة الامنية عنا بتحترم حالها مثلا كان المسؤولين فيها قدموا استقالة و مثلوا قدام لجنة عن كيف حصل هل شي... مو بتمر بكل سخافة و مندد شوي و بعدين مننسى!
و تحياتي الك
ذكرى مرور عام على وفاة الأديب العالمي سيبيري ماسكوليه 1932 - 2008