[سوا ربينا]

كاتب النص الأصلي : I_Love_Syria

ياسيدي التصنع شغلة جدا مزعجة فوق ما تتصور
إلي رفيق طلع يشتغل بدبي رجع بعد فترة طبعا طريقة حكيو صارت مقرفة جدا لدرجة انو كشينا منو هلأ هو
مفكر حالو عم يتهاضم وانو هو الشب الكوول بس بعد فترة اكتشف انو كتير من الشباب كشت منو وصفي وحداني
وعلى هالمقياس قيس يعني عندك شباب مثلا بس ينزلو عالمالكي بيبلشو هاي وباي ومامي ودادي وهالحكي الي مالو طعمة وبس ينزل عالحارة بتلاقي بني آدم مختلف وماشي بالعرض يا أرض اشتدي محدا قدي
بالنهاية هي شغلة نحنا بنتحكم فيها وطريقة صياغتنا الها.
أنا مثلا قعدت بالأردن خمس سنين ومع هيك لساني لساتو شامي أصلي ما تغير في شي مع انو كل رفقاتي كانو أردنية

بس انا بعتقد انو لما الواحد تتغير لهجتو للمكان اللي عاش فيه فترة من الزمن لا بعتبر تصنع ... يعني هاد ينطوي تحت مسمى التأقلم ...

كاتب النص الأصلي : إبريل

" المدني بطبعه " قالها ابن خلدون

وأقولها لأن المدني لا يُعرف من لهجته باطلاق
أما مسألة التصنع فهي التطبع بشيء غير معهود لدى الانسان
بالرغم من وجود بدائل
من يتكلم لهجة بحكم ظرفه لا يعد متصنعا برأيي
فلو كنت أسكن بلدا في المغرب العربي لتكلمت لهجته
و اللهجات اصلا تعد نسخا و مسخا للغة الأم
فليس أبلى من لهجة إلا أخرى

سيء أن نصتنع لأن في ذلك محو لمعالم الحياة
وحينها نفقد تفردنا ونحيا بقوالب مزيفة
الموضوع هام وطرحك جميل

انا بأيدك بالحكي انا برأيي هاد هوي التصنع ... يعني تغيير اللهجة ما بعتقد انو تصنع حتى لو الشخص ما عاش بمنطقة معينة ....

كاتب النص الأصلي : nour333

انا برأيي بعتبرها تصنع متلا احنا بالاردن بنعتبر اللهجة السورية فيها دلع فلما حد اردني يحكي فيها بتحس انو بيدلع دلع مو لابقلو ومتلعا اللهجه اللبنانية

بعدين الواحد لازم يحافظ ع لهجتو شوف الشركس كيف محافظين ع لهجتهم وتراثهم مع انو الهم 100 سنه ببلادنا
ودمتم

بس هالحكي لا يسمى تصنع !!
اي ماشالله علينا نحنا الاردنيين شاطرين بشغلات وشغلات ......... خلي الطابق مستور بلا ما نفضح حالنا هلأ ....

كاتب النص الأصلي : حيفاويه

لقلك شو هو التصنع

التصنع انك تعمل شي او تقول شي متقصد تعملو .. يعني مو بديهي

يعني اكتر مثال مناسب فيني قلك عليه هلا

هيفا وهبي

يقطع عمرها .. بس تحكي ببين عليها التصنع ليش

لانو هي عم تفكر شو تعمل بالزبط وشو تقول

يعني حركاتها وحكيها مو بديهي او لا ارادي لا

فهمت عليي شلون

حلو برضو هالحكي بعتبرو جزء من التصنع انو الواحد يفكر ويخطط للحكي اللي بدو يقولو ....

كاتب النص الأصلي : Romance Queen

بتصير انو الواحد يتعود بمثالك, بس انو مرات ممكن تكون تصنع و مقصودة بس بتصير

طيب كيف يعني ممكن تكون مقصودة وتصنع؟؟