-لك ياريتا انقطعت من الدخان شو اعمل..
-اي شو اعمل كل اللي بقيان معي انا كم سيجارة مابقدر اعطيك من اللي عندي
-هلا الواحد شو بيستفيد منك ااه؟
-طيب روح جيب دخان..
-لك الساعة 5ونص الصبح..
- طيب اصبر لبين مايفتحو المحلات
-اوف بدك ياني انطر لوقت مابيفتحو شو الله جابرني
-اي هيك بتفحص اديش عندي قوة ارادة
-طيب روحة عالكراجات جيب دخان مااسهل
-اي بدال الروحة عالكراجات يللي حتاخد منك تعب جسدي لبين ماتقوم تلبس وتطلع برا بهالبرد وتبرد بعدين تصرف لتروح عالكراجات وتجي بتوفر هالكم ليرة مشان ماتنقطع قطعة بعدين من المصاري والدخان بتصير مصيبة.. وبتبلش ياريتا شحديني...وهيك كمان بترجع بتفحص ارادتك..
-بس ارادتي قوية ازا بدي
-اي خلي يكون هلا بدك
-بس انا مابدي...
-بس بتعرفي عندك حلول خرندعية..
-اي شو مفكرني هوينة؟؟
-لا لا ابدا...
طيب ريتا ياريتا
-نعم شو بدك؟؟؟
-كتفي عم يوجعني شو اعمل؟؟؟
-قوم هزو شوي..
-
لك عم قلك كل ماعم حركو عم يوجعني كيف بدك ياني هزو
-اي يافهيم ع كتر الهز بتتعود عالوجع وهيك u would live with it
- افحمتيني يازلمية بس معك حئ هاااا عنجد افكارك خرندعية
- لك اي لكن شووو قلتلك انا ام الافكار الخرندعية
-طيب ريتا ياريتا
-لك نعم شو بدك؟؟؟
-وليي عصبتي لا مابدي شي باي انا رايح
-اي الله معك..وسكر الباب وراك
