[Abu ToNi]

كاتب النص الأصلي : mhsen77

يا اخي انت هيدا رأيك انا ما بيحقلي اني اسبك عليه واخلاقي ما تسمحلي اني اسبك كرمال رأيك حتى لو كنت على خلاف معك
انا اؤمن بقدسية الانبياء واحاول جاهد وقدر استطاعتي كبشري مخلوق على محدودية التفكير على فهم تعاليمهم واعتقد ان لكل تصرف لهم ورائه حكمة قد لا افهمها ببساطة لكنها موجودة ولا يحق لاي كان ان يسبني على كذلك لاي كان لا يوافقني الرأي
يستطيع ان يناقش بدون تجريح او يترك الموضوع بلا نقاش ونستطيع ان نكون اصدقاء في حياتنا الطبيعية

اخوي طول بالك وهديلي حالك شوي
اول شي مشان مشروع تسبني واسبك هون بعدنا شوي
بعتقد المشكلة هي بتندرج تحت (( اساليب الحوار )) اكتر ما انها تندرج تحت احترام الاديان .. يعني قبل ما نفوت باي حوار (( ديني او غير ديني )) لازم نكون مقتنعين باول شغلة تبع سبني لأسبك

انه بدك اجي معك واحكيلك الدغري
ما بهمني انت شو رأيك وكيف بتنظر للأنبياء
بس لا تنسى ان الانبياء كمان مجموعة من البشر وتفكيرن محدود .. ما بتذكر بشي ديانة او بشي معتقد في نبي برجل زيادة او عقل زيادة او بخش انف زيادة حتى يكون كائن فضائي غير محدود القدرات بينما انا محدود القدرات ومطلوب مني فهم تعاليمن

كل اللي عندي مجموعة من البشر عندن شوية تعاليم وشوية افكار
من حقي اني اخضع الافكار هي للفحص العقلاني والمنطقي وحتى اني احط صاحب الرسالة (( كونه رسول )) او صاحب النبوءة بموضع اختبار .


يستطيع ان يناقش بدون تجريح

ايدي على راسك جاوبني بصراحة
انت مستعد تسمع نقد موضوعي موجه لشخص معتبر مقدّس