الجمهورية السورية
منتديات اخوية
المراقبة العامة للمنبر الحر
دمشق في 19 آب 2005
العزيز حنا الملقب بالاكستريم ترمينيتور 2000 المحترم
تحية طيبة و لذيذة و شهية
اما بعد
اقتباس:
|
بس بكل الاحوال المور ما بيجوز توصل لسيرة الاهل...
|
سيرة الاهل خط احمر لا يمكن تجاوزه
و اذا تم تجاوزه لا يمكن السكوت عن هالشي
انا ما عم دافع عن السينورة المشرفة
غلطت ... للمرة المليون بكرر انو هيي غلطت
و ع فكرة انا مستغرب و مستنكر جدا صدور هيك خطأ من سنيورة رقيقة و محترمة متل اسبانيول
بس كتعزية ....
جل من لا يخطئ
و الخطأ بيتصلح
و يلي عملتو السينورة انو استخدمت كلمات المغدور (طارق كعكتين بعجوة و عكازة) يللي هنين " امنا الغولة "
و استبدلت ضمير المتكلم بالجمع بضمير المخاطب
طبعا هاد ما بيعني انو مو خطأ
و ما عم اطلب من المغدور انو يسقط حقو بالرد
كان بكل بساطة المغدور فيو يشرشحها و الكل يشد ع ايدو كمان
بس هوي كتب كلمات بتخلي الدم يفور بالراس و ممنوع منعا باتا استعمالها بالاخوية
و يمكن ممنوع استعمالها إلا باغاني الراب و الهيب هوب
و طبعا لازم يكون الرد باللون الاحمر الفاقع و بالخط العريض لحتى تكمل الجرصة
و مع ذلك لهون كان ممكن انو ينسكت ع الموضوع و ينحل بالطرق السلمية و الديبلوماسية و المخطئ يتحاسب و يضل مع المغدور شوية حق
لكن هيهات
لازم تنطرش الاخوية بالقصة
لازم ينفتح مواضيع بالصالون و ب ع الطاير و بالبريد
لازم تنتزع حفلة عيد ميلادك
لازم تنتزع مباركة ابو النسيم
لازم نغلق المنتدى تلات تيام حدادا ، و ننكس الاعلام .... والجرابات كمان
و الجزيرة بعتت مراسلين ع الاخوية لتغطية الحدث الجلل
و اجهزة الامن اعلنت الاستنفار العام
و ع شوي كان رح يجتمع مجلس الامن للبت بالموضوع لو ما هددت فرنسا بالفيتو
لازم نكحل عيونا بحكي بيهز البدن
شو محسب انو طارق قليل عند ربو؟
تقول يا زلمة في شي تار بينو بين المخلوقة
تقول في عداوة تاريخية بين آل اسبانيا و آل جيمس بوند
تقول السينيورة شي وحدة اسرائيلية
اذا حللنا الموضوع تحليل ديكارتي ... مع صور الاشعة المهبطية المتوفرة بين ايدينا رح نلاقي ..
السنيورة عبرت عن رأيها بالموضوع بحد ذاتو ... بغض النظر عن ماهية الرأي
المغدور تهكم ع رأي السنيورة بصورة استفزازية من نوع " الاشرافية " " الغولية"
السنيورة ردت بكل ادب : رح رد عليك بطريقتك ... و حطيت اقتباس ياباني مدري صيني
المغدور كمل استفزازو " الغولي " مع تهكم ع شخص السنيورة انها " امنا الغولة "
السنيورة >>> غلطت <<< و اقتبست "امنا الغولة " و ساوتها بتمس اهل المغدور
قام المغدور اعلن " الجهاد المقدس " على الطريقة التتارية ضد السنيورة ... و طبعا الضحايا هنين باقي الاعضاء
للمرة المليون ... ما اعترضت على حق المغدور بالرد
اعتراضي على اسلوب الرد
الاخوية صارت بدمي
ما فيي شوفها عم تنهار
و بشرى سارة للكل ... في تغييرات جذرية قادمة
بس المشكلة انو بتاخد شوية وأت
قلنالكم من قبل انو في تغييرات بس فترة الامتحانات و الاجازات السنوية خلتنا نتأخر
و بالختام ...
بحب وجه تحية عطرة لمشرفي المنتديات التانية
و خيب الله ظنكم في الانقلاب ع المشرفين
و قوض سعدو آمالكم في الانتصار على المشرفين
و ليحيا حزب المشرفين الخضر بقيادة سيزار
و دمتم
