اقتباس:
كاتب النص الأصلي : بنوتة حلب
لا حول الله
هلاء انت موضوعك مشعب والشرف شي والجريمة شي تاني
عن الشرف التنكي مارح احكي
اما عن المساواه بجرائم الشرف بين المرأه والرجل فا انو القتل قتل القانون لا بيعرف مرأه ولا بيعرف رجل
فا بعتقد انو السجون فيها نسوان وفيها رجال والمراه بتتحاكم بجرائم القتل متل ما بيتحاكم الرجال
ولي عودة
|
متشعب ؟!!
كيف يعني
عنا بهالبلاد في شي اسمو جريمة شرف ما بعرف اذا انا غلطان
وجريمة الشرف تعر يفها انو واحد بيقتل اختوا او مرتوا اذا شافها بوضع مريب وما فوق
كمان مشتغرب انو عم تقول انو القتل قتل و القانون ما بيفرق
انو جد عم تحكي
الاربعا الماضي اذا شفتي حلقة احمر بالخط العريض كانو مستضيفين واحد سوري قاتل اختوا لأنو سمع نو رفيقوا كان عم يحكي معها وانحكم بس شهور
وبحب خبرك انو سوريا هالسنة بالمرتبة الأولى بجرائم الشرف
وميرسي
