[انابيل]

كاتب النص الأصلي : اممي

ان هالحياة صعبة وبعرفك عم تتعب وبعرف ان مابتعرف شو راح يطلعلك باخر هالطريق الي ماراح تخلص قبل مابيصير عمرك بالثلاثين وبعرف ان احلي لحظات هالعمر عم تنفي بهالغربة ومافي شي عم يفرح ....
بس بذكرك بغرفة بالمشفي الوطني كان اعز ما انخلق لقبلك ملقح فيها وكان كل يوم عم ياكل شي 7 الاف ابره وكان الك منن 7الف وجع بقلبك عليه واصوات الالم والانين كانت عم تملى ساعات الليل الي ماكانت عم تنتهي ورغم كل هاد غرفتكن كانت اكثر غرفة بيطل منها صوت الضحك وكلما بتذكرو اليوم هديك الساعات بتعرفو ان الفرح بينخلق من جوات الانسان وما دام في بروحو ارادة للسعادة ...

كلامك صحيح لانه لحنا منخلق السعادة ممكن اي شي صغير نخلي ايفرحنا اذا بدنا بعكس في ناس رغم انه كل شي متوفرلها إلا انهون ما بيعرفوا يعيشوا لحظة حلوة لان الله حارمون

مشان هيك انا دايماً بآمن بشغلة انه لازم استغل كل لحظة بحياتي لازم عيشى مبسوطة عيشى بكل معنى لانه لما يمضى الوقت ولما يروح الناس يلي كنا منحبون ومبسوطين معون منتمنى لو ترجع فينا الايام لحتى نعيش هدليك الايام بكل معنى السعادة لحتى نسرق من هالعمر هدليك الفرحة لحتى نبقى جمبون ما نفارقون ولا لحظة مشان لما ترجع فينا الزكرى نكون راضيين عن حالنا
على كل حال بجوز في ناس فقدناهون وما عاد يرجعوا ابداً بس اكيد هنن بعدون سطر بكتاب ما رح ينمحى ابداً