والله ..
هههههههههههههههههههه
بتعرف بشو زكرتني ..
وقت كنت اشتغل بالكافي نت ..
وكان كالعادة يوم اي يوم لاء ينط لعندي عنصر المخابرات ..
فأنو انا كالعادة كون حاطط برنامج كسر البروكسي الترا سيرف بالمشاركة ..
يجي يحذفو !!
يجي لعندي .. يطبع مقالات ..
وكل نهار كنت آخد اسم كاتب المقال ..
وحسب المقال .. يا بقول الله يحميه .. يا بقول الله ياخدو ..
وعطول كنت فاتح اخويّة..
لمرّة من المرات وبعد ما اخدت وجه عليه ..
سألني شو هالموقع .. قلتلو موقع اسمو اخوّية سوريا .. اكيد بتعرفو
الزلمي فجأة صار وجهو هيك
قلي عنجد !!
قلتلو اي والله
قلي اديش صرلك مشارك فيه ..
قلتلو والله من زمان ..
قال شو اسمك فيه
هالمرة صار دوري ليصير وجهي هيك
اجيت قلتلو والله اسمي ليون هارت دوت علاء ..
اجا ضحك .. وقلّي .. لأ
لسا شغلك بالسليم..
قلتلو بالله العظيم ..
قلي يعني .. ما كتير ..
قلتلو سيدي .. دخيلك عاد ..
قلي ليك انتي لساتك شب باول طلعتك ..
حاول تروق .. وما تتغابى كتير ..
فا سكتت وقلتلو .. يا سيدي منشوف ..
المهم ..
لعنصر المخابرات اللي رح يشوف هي المشاركة ..
اول شي شلونك !!
وكيف المقالات ..
تاني شي ..
روق عالشعب .. مشان الشعب يروق .. !!