[قرصان الأدرياتيك]

كاتب النص الأصلي : Sun Shine Art

وليش مو الله يعينا نحن ..والله نحن خلص ...30 سنه التعن ربنا ..وصرنا متعودين ......

العزيزة صن شاين آرت... بعيد الحركة اللي مرّ قبل شوي صاروا 38 سنة بعيون الحساد، بس كرمال العدّ مو كرمال شي تاني .

كاتب النص الأصلي : شبل بانياس الاسد

والله مو عيب عليه بس عيب عليّ بينكر الانجازات مع اني بعرف هي الكلمة مارح تعجبك بس 16 تشرين تعتبر انجاز واما وعم تقول شوفوا العالم وين وصلت فأنا بأكدلك انو العالم عندها كمان تاريخ وبتفتخر فيه وبالانجازات الي حققتها ....
اما شو هي الانجازات؟؟؟
فهي كتيرة حبيبي ولهلق في انجازات اساسها كان هوي هي الحركة....مارح احكي غير عن اهمها والي هوي
حرب تشرين الي ما كنا فزنا فيها.. لانو الشعب كان ملتهي بشي اسمو انقلابات
اما اذا صرت تكره تقول انو بتحبها لسوريا فهي مو مشكلة لانو سوريا رح بتضل بتحبك

عزيزي الشبل

الإنجازات يللي عم تحكي عنها هيّ من حقّ أي مواطن في أي بلد في العالم. بعدين لا تنسى أنو نص مباني الخدمات الاجتماعية والمطارات والجسور... إلخ صايرين على إيد فرنسا مو عإيد انقلاب 16 تشرين!
وبكل الأحوال الإنجازات هي صارت بالأراضي بالحيط يعني... ليكا بحيراتنا وأنهارنا بالجزيرة عم تنشف بسبب التهاون مع تركيا كرمال حسابات سياسيّة... لأن بصراحة السياسة الخارجية صايرة أهم من هالشعب المتمرد الفتان!

وآخر شي بحب قلك حرب تشرين لولا اشتراك قسم كبير من العرب كان خسرنا فيها أكتر من هيك، ومن هيك لما حابب تنسب الحرب لحركتك الانقلابيّة انسبها منيح وقول يعطين العافية للقوة المغربية ولقسم من جيش التحرير الفلسطيني وللواء الأردني الأربعين وللجيش العراقي يللي شارك بكل طاقاته... بس للأسف القيادة السورية خبت عنو كتير أشيا حتى الأهداف نفسا!!! وبالنتيجة نحن ما ربحنا هالحرب... نحن خسرناها وحاجة نكذب عحالنا كرمال الله وعبّادو!