[فسحة أمل]

كاتب النص الأصلي : VivaSyria

أول شي بدي إعتذر لأني ما كنت فعال بالنقاش بهاليومين لظروف الخاصه.... بدي حاول لخص جوابي على كل المشاركات هون:

أول شي يا جماعه ذكر أسماء كـ زنوبيا و أنديرا غاندي يضعف موقف المرأه القياديه... لأنو ببساطه نحن عم نحكي على ألاف السنين من تاريخ البشرية وانتو عم تحاكوني بأربع خمس أسماء... معناها منرجع للنقطه الأساس انو هالحالات كانو حالات شاذة..
ألاف السنين... ونحنا منحكي بكم حالة شاذة.. أنا عم احكي عن آدم وقابيل وهابيل وتوت عنخ أمون وطارق بن زياد ويسوع ومحمد وموسولوني ونابليون وهتلر وجورج بوش وروزقلت وصدام حسين وغاندي وغيفارا وكاسترو و و و و و و و و و... وملايين الأسماء... ملايين القاده والأنبياء منهم من كان بنقاوة المطر ومنهم كان بحقارة المجرمين... وانتو بتحاكوني بأربع خمس أسماء...
طيب بالنسبة لهاد الموضوع ما هوي مقياس لا تنسى انو السلطة بالعالم كلو هيي للرجل , وأنو المجتمعات مجتمعات ذكورية ومن الطبيعي انو تكون السلطة للرجل على مر التاريخ ,ولا تنسى كمان نظرة المجتمع للمرأة والمعاناة الكبيرة الي مرت فيها المراة لتحصل حقوقها , يعني الحلم كان أقصى احلامها هوي دور فعال بالمجتمع والحصول على حريتها وحقوقها .

تاني شي ياشباب نحنا هون ماحدا منا بيقدر يسلم المرأه قيادة أي بلد.. فمشان هيك بتمنى مانزاود على بعض... المرأه غير مؤهلة لقيادة الدول... لأنو القيادة قرار وجهد وحرب وسلام وإجرام وعطاء وسفالة في بعض الأيحان... هل تستطيع المرأه أن تقود جيش من الرجال في الحروب؟؟ طيب كيف وليش؟؟ إذا الجيش أساساً كلو رجال "بتمنى ماحدا يقلي هلأ انو في كم مجندة بالجيش الأمريكي لأني عم احكي بالمطلق هون"...
طيب بهي النقطة بالتحديد بهل الزمن هاد شفلي رئيس دولة من امريكا وجر بيمسك البارودة وبينزل على المعركة , او حتى بحط الخطط الحربية هي من اختصاص جنرالات الجيش , بعدين بالحكومات الحديثة قرار الرئيس ما فردي في شي اسمو مستشارين في شي اسمو حكومة في شي اسمو برلمان .



وشكراً للجميع على ماقدموه لإثراء الموضوع.

وشكراً إلك على طرح الموضوع