انو هاد يا جماعة مرحبا بدايةً
المهم سيدو
رحت اليوم عسوق الخضرة انو هيك المرا عقبال العزابية والعايزين عمتتوحم على بطيخ .. ( مع انو خلص موسم البطيخ بس عمحط فرضيات من عندي .. شو فهمكن انتو
) .
اي بقا المهم يا سيدي .. نزلنا عسوق هالخضرة لنشتريلها بطيخ مبسمر للمدام شفنا اول بسطة ما عندها .. تاني بسطة ما عندها .. عملت فتلة هيك هيك لالتعن سماي ... قمت لقيت هيك بسطة صغيرة بالزاروبة بحارة كل مين ايدو الو عندو بطيختين
المهم في بطيخة كبيرة .. وبطيخة اصغر منها ...
البطيخة الكبيرة اكبر من الصغيرة بالعرض بمقدار الربع _ 1/4 _ وأغلى منها للصغيرة بمرة ونص
فانو أنو وحدة فيهن أوفرلي ... أخد الصغيرة ولا الكبيرة بتعرفو انو نحنا بنص الشهر والميزانية مضروبة
