[صياد الطيور]

تحية ألك أخ mblue

و شكراً على طرحك و مشاركتك
أنا برأيي أنو الغلط الي صاير بالريال بالوقت الحالي المدرب ما بيتحمل مسؤوليته
الي بيتحملها هو إدارة الفريق الي ما حاولت تعديل وضع اللاعبين و ما اشترت لاعبين جدد بعد ما استغت عن لاعبين مهمين و كبار متل روبينيو و بابتيستا
بالوقت الي ما تعاقد الفريق ألا مع الهولندي فاندر فارت
هالشي بعتقد خلا الفريق بحاجة لجهود كبير لخط الوسط و خط الهجوم الي كان من السنة الماضية بحاجة لتدعيمو
راؤول عم يقدم من أكتر من3 مواسم مستوى متواضع جدا
نستلروي لاعب قناص بس كبير بالعمر و مافي قوة بدنية ولا لياقة تساعد
سافيولا لاعب ممتاز بس كمان لاعب إمكانياتو البدنية متواضعة من ناحية الطول و الصحة ( رغم أنها مو مقياس و أكبر دليل ميسي ) بس يعني هو لاعب احتياطي و ما خرج يكون لاعب اساسي بفريق على مستوى ريال مدريد
أما هيغوين فهو لاعب قوي و حماسي و عندو امكانيات قوية و رجل قوية جدا و لساتو شاب بتنقصو الخبرة
و بقية اللاعبين الي ممكن يشاركو بالهجوم هنن روبين و شنايدر و فاندرفارت بالإضافة لغوتي و راموس الي عندو مشاكل كبيرة كتير هالموسم مع المدرب
ما بعرف شو صاير لإدارة النادي بس هي عم تلعب من باب مادي أكتر من أي شي تاني

و الموضوع الأهم هو تراجع مستوى الملك كاسياس هالسنة و هالشي واضح و الكل عم يحكي فيه بس ما حدا حابب يعترف

و تحياتي ألك مرة تانية