حلو كتير هالكلام معناها باعتبارك انت المسؤول عن قسم المجتمع المواضيع المختارة للموجز انت يلي اخترتها.. هون بيستحضرني سؤال... كلمة عينة مو بتعني نموذج من نوع معين؟؟ بناءً على تعريف أن العينة هي نموذج مابتشوف انو اختيار موضوعين لإلك هو بيجافي تعريف كلمة عينة وبيصير اسمو تحيز لمواضيعك؟؟
بتصور عينة وحدة كانت بتكفي اذا الهدف انو ينوجد عينة من موضوع... وماني شايف أي تفسير منطقي لوجود موضوعين بيخصوك بيحملو نفس العنوان طبعاً بس بيختلف الرقم إذا الهدف ضرب مثال فقط...
بكل الأحوال ماني هون بصدد محاسبتك أو محاكمتك على اختيارك موضوعين من أصل 4 لإلك... بس أنا بصدد إفهم طريقة سير الأمور... طبعاً رغبةً مني بالمساهمة البناءة...
بدي كون فضولي شوي واستفسر هون عن نقطة تانيه... هل اختيار المواضيع من مشرف القسم بيكون بشكل كيفي بحت أما بيكون بناءً على عوامل موضوعية كحجم المشاركة أو مدى أهمية الموضوع أو على الأقل حيز النقاش يلي احتلو الموضوع بالأقسام الحوارية تحديداً كالمنبر؟؟
اقتباس:
|
من حيث انو العضو اللي يدخل جديد يشوف انو هالستايل من المواضيع بدنا أو هيك...
|
استوقفتني هالجملة كتير... المواضيع المختارة بالقسم موضوعين لإلك وموضوع المازوت فيني افهم انو هنن الستايل يلي "بدكون" مواضيع المنبر تمشي عليه؟؟
المشكلة الأساس تكمن بإنو شي تمثيلي... وبتخيل بحكم كونه شي تمثيلي لازم يكون في موضوعية وشفافية بالخيارات أكتر من هيك...
وشكراً كمان مرة..
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!!
كيف سينتصر على غزاة القمر؟؟!!