[Jilan_joly]

كاتب النص الأصلي : bki

السلام عليكم.

بالأول مشكورة جيلان ع الكما اللي بلشتي فيها موضوعك, بس باعتذر لما بقلك إنو الموضوع مو موضوع شهرة لبكي العظيم أو ماشابه. فيكي اتشوفي مواضيع هالعظيم فبتلاقي إنو في قسم كبير منها مافيه ولا رد........ ههههههههههه يمكنو ممل حبتين زيادة. المهم. نحن قوم اتملكنا الخوف والحزن والكآبة, في موضوع إلك نزلتيه من فترة عن الكآبة والحزن, قريتو بس مارديت لسببين, لأنك بتعرفي رأيي بهيك أمر, ثاني شي لأني فعلاً كان مافيني حتى مجرد الرد, فكنت اسرق الكلما سرقة, المهم من جديد, نحن عشعش الخوف بداخلنا, فصرنا نستنكر حتى لحظات الفرح اللي بنمر فيها, أما إذا كانت عارمة مثل ماوصفتي, فيالطيف, معناتها في شي أسود لاسمح الله جاي ع الطريق, فصرنا لاشعورياً بنقول الله يكفينا شر هالضحكة, وكأنوا الضحك هو رجس من عمل الشيطان, أو وسيلة من وسائل الشر لتخريب البشرية. وبصراحة ديد أنا على قد ما اضحك يمكن مابتصدقي إذا بقلك إنو بعد كل موجة فرح بتمر فيني, بحس بحالة قلق فظيعة, وكأني عامل شي غلط, كأني ضيعت كل عمري وأنا عم اضحك ونسيت كملها. احساس قاتم, بيقتل الفرحة اللي بداخلي, ورغم هيك بضحك ورح اضحك واضحك وخلي كلشي حولي يضحك ويضحك, شرط إنو يكون عندو استعداد يضحك.

يسعدلي مساكي من جديد ومسى الجميع

عليكم السلام
بالأول ما ساويت شي يستاهل الشكر.وأنا بعتذر لما بقلك مبلا هو موضوع شهره..بيجوز إنت معك حق لانك فهمت بطريقه معينه انت وكل الأعضاء..أما أنا فعندي مبرر آخر..بخصوص موضوعي إذا أنا مابعرف رأيك بهيك أمور فإنت وضحهولي وليش كنت عم تسرق الكلمات وليش ما كان فيك ترد؟إذا كان بسبب موضوعي فأنا بعتذر..أما إذا كان بسبب شي تاني فخلص إنت حر وبراحتك تماما.
معك حق لانو في ناس كتير بيضيعو فرحتهن وسعادتهن في اللحظه الراهنه بإنهن يفكرو بالشي البشع ياللي جاي..لإنو هيك الحيات ما بتمشي علي وتيره واحده مره فرح ومرات حزن..فطبيعي انو نحسب حساب الوقعه بعد كل طلعه.ماشي ضلك اضحك الله يجعل الضحكه تعلو وجهك دائما بس أكيد ضحكتك حلوه مشان اللي حواليك ما يملو منك..إي سيدي أنا بيكون عندي استعداد اضحك لانو أصلا بحب المزح والضحك بس ما بلاقي حدا يضحكني فببكي وخلص بيمشي الحال لانو الاشيا اللي بتضحك قليله ما بنتذكرها أما اللي بتبكي فهي كتيره وما بتروح عن بالنا أبدا..شكرا لإنك اتكرمت ورديت علي.