[غيديون]

كاتب النص الأصلي : Jilan_joly

جواب: نحنا ما بنحكي عن الأوقات السعيده لإنها بتكون قصيره كتير وما بتأثر جواتنا أما الأوقات الصعبه دائما نتذكرها و نحكي عنها لإنها بتضل معنا فتره طويله وبتنغص حياتنا وبتنحفر جواتنا بسكينه بارده وبتعلمنا إشيا كتير...لسا عندي حكي أكتر من هيك بيوضح ليش دائما ما بتذكر السعاده بس بصراحه أنا ماني مروقه أبدا أبدا..فمشان هيك عم لف حول الموضوع بس ماني قدرانه أوصلك رأيي وماني مجمعه الحكي..بعتذر منك والله.
عندك حق لازم نلاقي حدا مخلص يشاركنا الفرحه من قلبه والتدوين كمان مهم بس المشكله إنو لما الواحد بيعصب أو يدخل شي مشكله بيقضي علي الأخضر واليابس و يحرق كل الإشيا اللي تفرح أو حتي توحي بالسعاده..بيجوز إنتي مانك هيك بس أنا زمان أيام ما كان عندي اوقات سعاده كنت بكتبها وأول ما بيصير معي شغله بشعه بستحقر السعاده وبقطع كل الورق تبعها.معلش طولت.

اولا ولا يهمك وطولي قد ما بدك لانو كلامك ما بينمل منو....
يمكن ما كون فهمتك بالضبط لانك مانك رايقة....بس....انا بعتقد انو الانسان عم بيحط على عيونو نظارة سودا...
ويمكن لانو كل اللي حواليه حطينها فبيستحي يكون لحالو متفائل....سعيد...ومبسوط....
والا يمكن لانو الانسان يبحث دائما عن اهتمام الناس فيه...والناس بتهتم بالمهموم اكثر من المبسوط....
والا يمكن لان الاكتئاب مرض العصر....ما بعرف....بس يللي بعرفو....اني :...

متفائلة....مبسوطة......وسعيدة.. .ورح اعمل كل جهدي لحتى كون دائما هيك مهما قابلتني المصاعب والتجارب...
ورح جاهد مشان وصل شعوري لك يللي حولي مشان انكون كلنا مرتاحين.....

بس انا منتظرة ردك الواضح بعد ما تروقي