[قرصان الأدرياتيك]

كاتب النص الأصلي : yass

بعتقد انو كون رأيك يقول انو اجراء مش صحيح, فهالشي لا يعني انو مش صحيح, يجوز مانو الأمثل

الموضوع ما بيتعلق برأيي أو برأيك... يتعلق بواقع تمّ لهلا ما عطيت أي جواب إداري حقيقيّ عن اللي صار. كل حكيك هو برات اعتراضي عالحذف وللأسف! أنا عم أحكي عن واقع تمّ، وأنت عم تفوتني بأشيا ما دخلني فيها! فقصة أمثل وأحسن وأفضل مو واردة حالياً لأني نزلت بالبريد كلمتين عن أمر تمّ مو عن أمر رح يتمّ أو في طريق الإتمام! لو الموضوع كان مغلق بس لساتو موجود كان فينا نحكي عن أمثل وأفضل وأحسن وأزبط... بس الموضوع برمّته طار بدون سبب... ولا قلك بس لأنو ما وافق أحد الأطراف، يللي بحكم وضعو نازل فينا بسيوف الرقابة والحذف والتقطيع والتوصيل بدون أي رقيب وللأسف الشديد!

لكن برجع بقول محكومين بظروف ما.. و بناءا ع هالظروف عم نشتغل شغلنا اللي ما جابرين حدا يعجبو...

هلا لو كنت زائر كان في قصة إعجاب أو رأي أو ما بعرف شو وإذا ما عجبني شغلك فبحمل حالي وبمشي... بس بظن أنو أنا عم بكتب بأخوية يللي هيّ منتدى يعنيني متل ما بيعنيك ومتل ما لازم يعني الجميع وعلى رأسن "أبو لهب"! فإذا كان فينا غيرة على هالبيت (يللي هو ما ملك حدا) فمن حقي ومن حق أي عضو أنو يتضايق لهيك تصرف... فالقصة مو قصة إعجاب ولا ما يحزنون...

و على اعتبار ترجع تسأل ليش انحذف برجع بجاوبك انو انتقل الى قسم اداري لاصلاح ما يجب اصلاحه و اعادته مغلقا, كون الكم الأكبر من السجال اللي دار فيه مالو علاقة بصلب الموضوع

الردود أغلبها كانت تتعلق بالموضوع يللي معروف شو هوّ... بس في شخص وحيد هوّ اللي فات بالتخوين وبالاتّهام برات الموضوع والردود اللاحقة جاءت رداً عليه مو أكتر. وإذا كان في داعي حقيقي لحذف الموضوع وإصلاحو، فبظن أنو أكتر من أسبوع كافي كوقت لحذف ما يجب حذفه! ولساتني عم أسأل: ليش انحذف؟! وين مخالفة الموضوع اعتماداً على ضابط أو قانون؟ رح تقلي "انتقل" بس للأسف موضوع متلو بهيك قسم "انتقاله" يعني "حذفه" لأن محدا عاد قادر يشوفو... ا!

و ما كان في امكانية انو يكون في اداري متواجد لضبطو (الا اذا بتشوف انو عدم وجودي في ذلك الوقت لأسباب خاصة كمان يستوجب مجلس تأديبي)

كان في إداري (غير مختصّ بالقسم) ضمن الموضوع وأحد أطرافه، وكان الأمثل في الحوار بالتزام نص الموضوع! والتزم تماماً بما يتعلق فيه كإداري بعدم الاستفزاز والاتّهام! ثمّ ويا ريت بلا قصة مجلس وتأديب وما إلى هنالك، لأن صفحة البريد مانا للتأديب ولا للمحاكمة... هيك أعتقد! ومحدا أصلاً جاب هالسيرة... إلا إذا بدك أنت تجرّ الحوار لأشيا تانية أنا ما بفضل فوت فيها معك. لأن بتمنى نلتزم موضوع اعتراضي مو أكتر.

و وضّحت انو حالما يسعفني الوقت رح رجّع الموضوع إلى مكانه مغلقا

بعد شو؟!

أنا ما بهدد لما بقول انو اجراء متّبع رح يستمر, الا اذا عندك رغبة باعتبارو هيك لبناء سجال ما رح فوت فيه طبعا, و لا رح رد على اتهامك بانعدام الموضوعية.

إذا أنت تعتبر أنو مو تهديد فما فيك تنفي عنو هالصفة... ارجاع لفوق وشوف كيف كتبت جملتك وبأي سياق! واعتراضي هون مانو اتّهام... برجع بقلّك هو واقع وتمّ وحتى توضّح كإداري حذف الموضوع رح ضل أتساءل! وبما أنك أنت شخصياً بتقول" بيجوز مانو الأمثل" فبستغرب أنو تقلي "رح يستمرّ" وخاصّة مع مواضيع من هالنوع بتنزل يومياً! وإذا كانت الأسباب والموجبات يللي حكيت عنها بدون أي توضيح لا علني ولا غير شي حتمت عليك تحذفو بطريقة "قد تكون مو الأمثل" فمو صحيح أنو تهدد باستمرار متل هيك إجراءات!!!

لما تستخدم مصطلحات مثل :صح, خطأ, اجراء تعسفي (هاد من الرد الأخير) فهاد بيظل رأيك, و ما بعتقد رأيك هو كتاب منزّل من أي سلطة عليا لحتى نعتبر انو هو مقياس ينمشى عليه..

محدا قال أنو رأيي هو منزل ولا في سلطات عليا تتحكم بأفكار الأفراد إلا اللهمّ فمجتمعات معرضة لسيوف الرقابة وقوانين طوارئ!!! وإذا كنت أنت عم تجاوب كإداري على اعتراض بهالطريقة (هاد الموجود... والما عجبو...) فممكن تقلي ليش صفحة البريد؟! هيك هيك الإدارة تعمل وتجاوب وتسكر الموضوع! شي مرة حدا استفاد من هالصفحة؟!

و بهذا السياق, كمان ما اعتبر اجراءاتي هي الصح المطلق طبعا, لكن لما اعمل شي, اعملو لأنو عندي أسبابي و موجّباتي لحتى اعملو

ممكن تقلي شو هيّ الأسباب والموجبات لحذف موضوع بقسم "عناوين الأخبار" بدون أي سبب إداري حقيقيّ!
ولا مجرد هوى شخص وفضح فكرو بطريقة ما هو موجب أو سبب؟!

و للأسف يعني انا المسؤول عن سير هالمنتدى أو هالأقسام و مجبور اشتغل تبعا لها, و طبعا ماني جابر حدا يعجب فيني و بشغلي, لكن هاد الموجود للأسف

هاد مو محور الموضوع بس رح جاوبك عليه: كمشرف إداري أنت ملزم بالأخوية كقوانين وضوابط وما يناسب الصالح العام، وما فيك تقلي مو جابر حدا يعجب فيك وبشغلك ولا هاد الموضوع... لأن بظن بهيك حكي في تشابه كبير مع الطغيان والديكتاتورية يللي كتيرين يدعوا محاربتا... ومعناتها انطلاقاً من هيك حكي محدا يطلعلو يحكي مع الرئيس بشار الأسد لأنو بيحكم 20 مليون بني آدم، وفي بعض الأتباع والأذيال والمنتفعين مبسوط عليهن ومبسوطين عليه!!!
إذا على مستوى منتدى افتراضي هيك أجوبتك ألي وبهالأسلوب الإلغائي وتسكير الباب فلا عتب على اللي عم يصير فوق أو عالكبار!

بعتقد وضّحت جميع ما يجب توضيحه, لذلك بما يخصني الاجابة على هالاستفسار منتهية و لن أرد على أي اتهامات و تلميحات تمس نزاهتي و موضوعيتي...

للأسف الشديد أنت لهلا ما عطيت أي جواب للاستفسار... كل حكيك السابق كان بأشيا عامة تتعلق فيك كإداري. وبتمنى برجاء ما تقلب الموضوع لاتهام وتلميح ونزاهة لأن برجع بقول مو هاد موضوعنا!!! ولا تنسَ أنو أنت بتسكيرك الطلب بهالشكل ما حققت أي شي من هدف البريد... صار مجرد صفحة فارغة أجوبتا معروفة سلفاً!

فيك تعتبر هالشي (هروب), مثل ما اعتبرت توضيح استمرار اجراء انو (تهديد)... هالأمر يرجع لرغبتك بأخذ الأمور بسياق أو بآخر, و طبعا ماني ملزم آخد بسياقك

لما الكلمة بتنكتب بتكون واقع ودليل... فما فسرت شي من عندي ولا جبت شي من برا، وبظن أي قارئ لهيك موضوع رح يستشفّ الهدف تماماً بعيداً عن أي مجرى آخر حاولت تجر الموضوع لألو.
وضعك كإداري مو محور طلبي... كل القصة كانت الحذف يللي عم نتعرضلو بطريقة غير مدروسة (أو مدروسة بناءً على رغبات) وفي عندي أكتر من مثال ما بدي فوت فين لأن مانن محور هالرسالة البريدية! بتمنى تخففولنا من هالسيوف الشخصية حاسين حالنا عايشين بشي جبهة تخضع كل الأحزاب بطريقة حاسمة ما بتقبل بأي نقاش...
لا تنسى تفهم شو عم أقصد وعن مين عم أحكي والدفاع عن تلك الجبهة هو بشكل أو بآخر انتماء ألها!!

و السلام ختام

أحلى مالسلام ما في بس للأسف مو بعالم اليوم يللي بيفتقد لهيك كلمة! .