مرحبا يا اوادم .....
مع انو باقي شهرين تقريباً قبل ما تخلص السنة ..بس صار من الواضح تماماً انو هالسنة هي , 2008 كانت سنة قوية جداً جداً بالاغاني و الالبومات اللي نزلت ....كانت سنة غير شكل يعني .
أنا شخصياً ما بآمن بشي اسمو فن هابط , و فن طالع ..الفن هو فن , و النقاد الاحفوريين اللي كانو يقعدو ينعوا و يندبوا ع وضع الفن ..و الموسيقى , هدول جماعة اكل عليهم الدهر و شرب , و يمكن عمل شي تاني كمان ....صحيح مافي أم كلثوم و لا عبد الوهاب , و لا فريد الاطرش , و لا اسمهان ..و لا في شي متلهن يعني ..بس في ...في كتير اصوات جميلة جداً ..و هي نقطة مهمة .,.انو في كتير كتير ...و في كلمات رائعة , و في موسيقة مشغولة بطريقة صح , و انا شايف انو هي البيئة اللي بتشجع ع التنوع و التويع و بتعطي المجال لاكبر عدد من الناس انو يشتغلو , بدون ما يكون في واحد عم يتفلسف فوق راسهن , هي البيئة الفنية هي البيئة اللي ممكن تطلع شي ابداعي بالمستقبل .
نحنا يا شباب عايشين بايام هبية , و العصر الجميل ههو اليوم , ما السبعينات , لانو لاليوم في ناس بتحضر حفلات لفيروز , و فيروز بتنزل البومات جديدة ...بعد عمر طويل ما رح يكون في شي اسمو البوم جديد لفيروز ... مجرد انو واحدكن عم يسمع البوم جديد لفيروز يروح يبوس ايدو و جه و قفا شي مليون مرة ...او مثلا انو زياد الرحباني عمل شي مقطوعة جديدة ...يا زلمي سهلة هاي ؟ ..يعني هدول الجماعة اللي بيقعدوا بيترحموا ع ايام زمان ..يعني الايام اللي قبل ( وقمح ) ع شو عم يترحموا ؟ !!
اللي عم قولو ..انو الموسيقى , و الغناء العربي لقدام ..ابداً ما هو لورا ...و السنة هي شي مبشر ...و بتوقع بالسنين الجاية يكون الزخم اقوى , و اقوى.
هلأ انا رح حط قائمة بالاغاني اللي عجبتني , من اغاني ال 2008 طبعاً .و باعتبار انو مافي ولا جهة غربية بتصدر تصنيف ال افضل 100 اغنية سنوياً ...شو رأيكن نبلش من هون ؟ يعني منصير منطلع كل سنة قائمة بافضل 100 اغنية عربية , بتصويت الاعضاء...و منعتمد القائمة رسمياً ...و باعتبار انو ما في غيرها , بتصير القائمة الرسمية يعني
مبدئياً عطونا رايكن انتو باغاني ال 2008 ...اكيد حبيتولكن شي 100 غنية برياحة يعني :
-مروان خوري :
انا و الليل
خاينة
- نجوى كرم :
ما بخبي عليك
عم بمزح معك
الحلم الابيض
-تامر حسني :
اسكتي
هي دي
- أصالة نصري :
ولا داري
- نانسي عجرم :
سافر
ماشي حدي
بتفكر بايه
من غيري انا
- وائل كفوري :
قلبي شو بدي قلو
شو مبكيكي
بحن
- اليسا :
اواخر الشتا
بتمون
خد بالك عليي
-عمرو دياب :
نقول ايه
انت الغالي
- راشد الماجد :
ادعي علي بالموت
-عبد المجيد عبد الله :
ودي اكون شخص تاني
مليون خاطر
- جورج وسوف :
كلامك يا حبيبي
علم قلبي الشوق
اصعب فراق
-شيرين :
بطمنك
بكلمة منك
مش عايزة غيرك انت
-عاصي الحلاني :
كلمة اليمكن
- فارس كرم :
معليش
ختيار عالعكازة
الاخرس
يقبرني
- فضل شاكر :
روح
من يوم ما سبتك
- كارول سماحة :
مجنونة بكون
لطيفة :
في الكم يوم اللي فاتو
-سميرة سعيد :
شائت الظروف
- ماجد المهندس :
مو على كيفك حبيبي
- كاظم الساهر :
ناي
- معين شريف
رسمتك وشم ع ساعدي
- ملحم زين :
علواه
- علاء زلزلي :
الدلعونا
- هاني شاكر :
البوم صور
- محمد حماقي
حبيبي لو زعلان
هنا جمبي
ناويها
- شادي اسود
بدفع عمري
- رويدة عطية :
حياتي ملكي
صحرا الشرق ( مع عاصي الحلاني )
- وليد الشامي
مصيبة
- ميحد حمد :
طير الحمام
- راغب علامة :
سر حبي
انت يا غالي
غيرة ايوة
هي الاغاني هيك مرتبة عشوائياً ....بس ترى كلن حلوين ...في منهن كتير مميزين ...متل انا و الليل لمروان خوري , و سر حبي لراغب علامة ..بس موضوع التميز منخليه لبعدين ......يالله اخواتي .....هااااااااااااااااااااا اااااااااااااااااااااتو من عندكن
J.S: Death is the solution to all problems. No man = No problem.