اقتباس:
|
كاتب النص الأصلي : RAMI007
أخي ياس مرحبا.... بدك تقلي مية ( بعرف )
الشغلة مانا مين وطنيتو اكبر بس النقطة اللي بدي احكي فيها هي كالتالي :
فلنفرض ضرب الجنان براس الحيوان جورج بوش وقرر يضرب سوريا عسكريا ؟؟؟!!!!!
انت رح تضل قاعد ببيتك وتقول فخار يطبش بعضو .... ما بظن ...
على القليلة رح توقف قدام بيتك لتحميه ( مو هيك )
وقيس على هادا المنوال ... بنفس الوقت يمكن ما تكون لا بتحب لا الدولة ولا الحكومة
بس في شي جواتك رح بيخليك تنط لتحمي أخواتك أهلك الخ الخ ( مزبوط ؟؟؟؟ )
فابهل الحالة انت وطني ولا لأ .... فإزًا كل واحد بيناتنا رح يعمل هيك لا شعوريا بغض النظر عن ميولو
والأخ صاحب المقال نازل نتف وتمصخر على الدولة وكأنا ما بتعنيلو شي ( يصطفل )
بس هل الحكي اللي جايبو مانو مزبوط بنوب وانت أكيد بتعرف هل الشي
وكان فيه يحكي بس ع القليلة بشوية تفكير أكتر ومعرفة اكبر....
فيك تقرا اللي كاتبو الحكيم حسام وشوف الأمثلة البسيطة اللي جايبها ولحالك بتحكم إزا الراي الأخر لازملو احترام ولا لأ
الرأي الأخر يحترم إزا كان فيه ولو شيئ من التعقل والمعقولية مو بس رص حكي
وبرجع بقول في فساد وين ما كان مو بس عنا والدولة والحكومة بتعرف هل الشي وعم تمشي خطوة خطوة وبعدين منشان تقضي عليه لازملا شوية وقت ليش ما بنعطيها إياه
ورح بنضل حبايب ولا يهمك يا فيليب بس في شي أبدا من شي
بعتزر مرة تالتة عن قساوتي بالرد ( وتحيا سوريا )
|
طبعا بحمي بيتي..سوريا كلها بيتي..سوريا مش سوريا الأسد ولا سوريا البعث ..بالنسبة ألي هدول الحكام ما بيمثلوني كسوري..ما بيعنولي شي..سوريا كوطن وكبلد حبيبتي وحياتي...بس الحكومة لأ..برأيي هالناس القاعدين فوق اثبتولي أنون مش قد الأمانة اللي بأيديهون. بس طبعا أنا مجبور أنو احترم أي رأي غير رأيي..ومش أنا اللي لازم أحكم اذا الرأي تافه واللا لأ...
تحياتي لألك...
وتحيا سوريا.....