هلأ الكلام منطقي من بعض الزوايا
مثلا لما بيتم استغلال حادث مؤلم مثلا ونشروا بطريقة صحفية مؤلمة دون مراعاة الخصوصية والانسانية .
بس لحتى انو شوفو أديه أميركا ظالمة ومؤذية
هاد من الاشيا السلبية برأيي يلي بتستغل لخدمة سياسة الممانعة .
اقتباس:
|
لكن حتى حين تنصب الممانعة على أميركا تحديدا، فإنها لا تتشكل في سياسة، لأنها لا تهتم بالتمييز في أميركا بين سياسة واقتصاد ودولة ومجتمع وثقافة ونمط حياة.
|
هاد الحكي تمام يعني مثلا أمريكا "مع شعبها" الها ايجابياتها , يلي ياريت لو نتبع خطاها فيها
بس لأ نحنا مصرين ننكر هالواقع .بالوقت يلي لازم نعترف فيه كاعتراف طبيعي بالحقيقة
بس هي الحيادية بالموقف يلي عم يحكي عنها الكاتب
صعب نقدر نطبقها .. بأغلب الاحيان صعب نقدر نفصل جراحنا من بعض الدول ونتصرف بموضوعية
صعب كتير ..
ونهايةً برأيي
انو سياسة الممانعة ضمن حدود معينة - حدود طبيعية-
هي امر طبيعي
وضروري احيانا اعلانات الاستنكار والاعتراضات على مواقف معينة .
هي السياسة هيك ماشية ..
اقتباس:
|
وبالتالي فان هذا المقال هو بمثابة ذر للرماد في العيون .. ومحاولة فاشلة لإلباس الحق ثوب الباطل
|
مابعتقد انو هاد الهدف من المقال ..
الهدف أنو هالممانعة واعلان الكره في كل مكان مافي منو نتيجة ايجابية بالعكس اغلب الاحيان نتيجتو سلبية تمنع التفكير والانتاج والتصرف السليم
بس متل ماقلت الحياد يلي عم يحكي عنو الكاتب صعب نقدر نطبقو .
