الاعزاء أيهم وفيفا سيريا، بالفعل وللأسف أنو لهلا هادا هوي أكتر تحليل منطقي...
بأول خبر عن هالموضوع انكتب انو حصلت غارة أمريكية على مزرعة سوريا وتم قتل 8 مدنيين وقعدنا نفسّر ونفكر بالامر. انزعجنا عالابرياء وانزعجنا من التقصير الي صار بحقن وما بعرف يمكن التفسير الوحيد كان انو امريكا حابة تتحركش بسوريا وتهين سوريا....
ولما ورد اول خبر عن احتمال أن تكون سوريا على علم بما حصل وأن هدف الغارة هو القضاء على أتباع تنظيم القاعدة، استغربت فوراً انو لو الخبر صحيح ليش ماصار اطلاق نار من قبل أتباع القاعدة؟ وهلأ بهالخبر عم يقولو انو صار اشتباك بين الامريكان والمتمردين وتم ذكر الشخص المستهدف بالغارة... وهالشي كلّو بمنطقة حدودية فيها تواجد عسكري سوري والعملية تمت بواسطة /مروحيات/ يعني مو أف16.. طيب احتمال انو تكون الشغلة كلا ملفقة وعبارة عن كذبة بس حيثيات هالقضية وهالتحليلات بتخلي هالتحليل يكون بالنسبة الي أمر وارد عالقليلة، أو منطقي متل ما تفضل أيهم وكتب...
وبالنسبة لاني كون اسرائيلي او امريكي أو قرقيزي لاني ناقل خبر من عندن ... يا عمي لما الواحد منّا يملك الحقيقة او لما يتواجد تصريح وتفسير منطقي من قبل حكومتنا ومع هالشي بنصدّق حكي وتحليلات الغريب، مو بس بهالقضية... بكل القضايا.... وقتها أي بنكون منن وبنكون خونة..
محبتي
haa haaaa haatshuuu!!!!!!!..... Sorry, I'm allergic to bullshit!
Urhoy سابقاً
|