[jano.]

كاتب النص الأصلي : The morning

مع الوقت بس تصير الوحده تعرف المحلات و الماركات الي بتعجبها بتصير الامور اسهل طوّل بالك

بس هالشي اذا كانت البنت فعلاً بدها تشتري تياب
في شغلة لازم يعرفها الشب الي بيروح مع البنت للشوبينغ، أنو الشوبينغ هوي سيجارة نسائية.. اذا اخدت هالشي بعين الاعتبار رح تفهم لشو في بنات بيظهر الشوبينغ عندن كأنو رياضة أو دافع لرياضة المشي، وبنات بيكون الشوبينغ عندن كانو شي ضروري لتنسى هم الشغل أو الجامعة يلي بفترة الصبح والضهر وتقدر ترجع عالبيت مصحصحة، متل فنجان القهوة عالصبح تماماً...
وبنات بتعمل شوبينغ لتقدر تتباها بتيابا الي اشترتهن بالشوبينغ الي مضى وتتمشى فين باكبر قسم ممكن من سوق المدينة، هادا بيجي تقريبا بين كل شوبينغين فعليين انشرى فين تياب وبيتسمّى بلغة البنات بـ "الشوبينغ التجريبي لتياب الشوبينغ الماضي"

يعني متل ما الفوتبول بيهمك وبتتابعو مع انو مو بالضرورة تكون مشارك بالمباراة، نفس الشي التسوق عند البنت،... هاي شو بيسمّوها المختصين والمحللين النفسيين؟ يمكن أمور غريزية أو هيك شي... والله نسيت.. المهم لا تتذمّر وتقبّل الأمور بديمقراطية يا شبّ...

وياميرو اذا طلعت مع البنات عالشوبينغ لا تنسى تاخد معك شي كتاب للمطالعة او شي مسبحة تتسلى فيها أثناء الإقامة المطوّلة بكل محل من محلات السوق، ولا تنسى تسأل وتتأكّد من المحلات الي بتروحلا البنت اذا كان فيها تلفزيون أو كافيتيريا جوا المحل او شي آلة قهوة ترا رح تملّ ها...

وأفضل ما نختم به حديثنا هو القول المشهور "إنّي أرى في الشوبينغ حياة"