اقتباس:
كاتب النص الأصلي : Abu ToNi
ياس بدك اتطول بالك علينا انا والقرصاان لأن في عنا كتير اسئلة كوننا تلاميذ بهي المصلحة
وبيني وبينك ما كل واحد بصحله دروس تعليمية من شخص مرشح حتى يكون افضل مدون عربي فعما نستغل الفرصة 
شو بتفيد ال rss يعني انت قلتله للقرصان الشباب بساعدوك بالقصة وفيهم يعطيوك اللينك وانا ما فهمت شو هوي اللينك هاد .. انا عملت متل ما انت قلتله للقرصان وضفت وحيطت بهي الخانة رابط مدونتي مرة تانية
انه شغلته هاد فينك تقول (( تسجيل متابعة )) وهيك شي ولا شو ؟! |
اقتباس:
كاتب النص الأصلي : قرصان الأدرياتيك
بعتلون متل ما قلت... ورح أنطر الردّ! وحاسس أنو عم تعبك معنا فلا تواخذنا.
شكراً عكل شي  .
|
لا يا أخي شو تعب ما تعب... بترجاك يعني... سعيد أنا انو عم ساهم بانو أقلام مميزة تنضم للتدوين السوري.. حاسس حالي عم اعمل واجب وطني
بخصوص رابط الخلاصات.. انو بصراحة مافيني اعطي شرح تقني جيد.. لكن باختصار هو متل الرابط اللي بياخدك ع صندوق آخر المواضيع بأخوية (يعني هاد مرادفو), شغلتو هالرابط انو ياخدك ع آخر تحديث صار بصفحتك.. يبلغك يعني (يعمللك اشتراك و يصير يطلعلك بالمفضلة آخر تحديث للصفحة الفلانية).
شغلتو عند هالمواقع, انو هالرابط يخبرهون انو فلان حط تدوينة جديدة, و يجي الموقع يسحب هالتدوينة الجديدة و يحط رابطها بصفحتو الرئيسية, فبتطلع بشي اسمو "دفق المدونات".. انو تدويناتك تطلع بالموقع بشكل أوتوماتيكي
هنن جماعة متعاونين جدا و لطيفين, فيعني بعد ما تسجلو ابعتولون انو خيو ما منعرف رابط خلاصات مدوناتنا.. و هنن بيجيبوه و بيعدلولكون الاشتراك ...
بتمنى كون قدرت اشرح الفكرة, و شو في شغلات تانية أنا بالخدمة
تحياتي