[The morning]

أوّل محل بنفوت عليه هوّ Hollister



ماركه اميركيّه للاسف غير موجود خارج اميركا و كندا بس شــي فــاخر عالاخر - مـن محلات المفضله اللي بحبها يعني اذا حدا عبالو يجبيلي شي هديه شي نهار فهالمحل أكيد هو احد الخيارات اللي لازم يطلّع عليها - مثلا يعني -

شكل المحل من برّا - مش تصويري طبعا -



أحلى شي بهالمحل انّو بس تفوت من الباب في ميوزك عاليه بس مش مزعجه و ريحه المحل في ريحه خاصّه بالمحل كتيير حلوه و خفيفه و بتضلها معلقه عالتياب بعد ما تشتريهم شي سنه ..

فتنا على هالمحل و القينا نظره على كلّ الاشياء الموجوده و بحشنا بجميع الزوايا و الخبايا علنا نجد شي شغله هربانه مننا هون او هون و لكن الامن مستتب و ما حدا هربان ..

اخـيرا و ليس اخرا اجتمعت بـقطعه عجبتني -يعني انا شوي كتير بياخدني وقت و جهد للاقي شغله تعجبني فانّو بأوّل محل فوت عليه لاقي شغله فهي لحالها شغله -
و اليكم الان صوره الكنزه اللي نالت اعجابنا :




افقش هنا

من العجيب انو نالت اعجابي هاكنزه لانها نهائيا نهائيا مش ماي ستايل .. و لكن بتصير في بعض الاحيان انو بتشتري شغله ما بتكون الستايليك بس مع ذلك بتشتريها و بتلبسيها !

لحسن الحظ كانت معي رفيقتي لانّو اكتشفت هيّ انو في احد الفارين و الهاربين متخبيّه و متنكره و كأنها من الستايليات اللي ما بتعجبني عاده فقامت - صديقتي - بالقاء القبض عليها و سلمتني ياها كرمال شوف شغلي معها .. و طبعا تمّ الشراء و اليكم الصـور :




متل هي الصوره بس كمامها قصار - مش موجوده صوره الها عالنت -

بعد ما قست هالتنتين وقررت اشتريهم طلعت مباشره ركيض من المحل قبل ما تنضرب الميزانيه كلها بمحل واحد ..
و بهذا ودعنا هالستر حاملين معنا كيس رقم 1