اقتباس:
كاتب النص الأصلي : العربي الأصيل
هلا أخبرني أحدكم: كيف نجرؤ على الأمل؟؟ بأي حق وبأي عين؟؟ |
ماتواخدني بس والله سؤالك مغلوط. لازم نسأل كيف نجرؤ على اليأس, كيف بنستسيغ لأنفسنا إنو نرضى بأمرنا الواقع وننسى قدراتنا الخارقة كبشر وننسى إنو في كثير من قوتنا نحن مانا مستخدمينها, بتعرف إنو كل مرة بزور موقع أثري وخاصة قلعة حلب, بوقف قدامها مصعوق, وبحني راسي لعظمة الإنسان, واللي مستمد عظمتو من عظمة خالقو, هالانسان اللي عمل وشال وحط وبنى ودمر وساد وبأساليب تعتبر لأنا أكثر من بدائية بس لأنو كان متسلح بالأمل بالدرجة الأولى, وكان شعارو إنو في شي إسمو صعب, بس لاشئ اسمو مستحيل.
مشان هيك أخي الكريم أنا بشوف إنو الوضع الصحيح للإنسان هو الأمل, بالله وبقدراتو وبالأخرين وبالغد وبكلشي. أما الوضع الحرج والخطأو اللي بيلزمو وقفة وسؤال فهو اليأس لأنو مابييأس من رحمة الله إلا القوم الظالمون, ( لأنفسهم ولروحهم وللذين من حولهم)
إلك مني وردة
سبحان الله, الحمد لله, لا اله إلا الله والله أكبر
سبحان الله عدد خلقه ورضى نفسه وزنة عرشه و مداد كلماته
سبحانك اللهم إني كنت من الظالمين