[Abu ToNi]

مع اني ما الي علاقة بالعلاقة .. وما بعرف من اهل الساحل غير انهم بشر متلي متلن .. وعايشين على الساحل

بس بدي شارك .. معتمدا على فطنتني ونباغتي الخارقتين للعناصر الطبيعية

وتحت كل اجابة بحط فعلول تبعها .. وبجانبها هاموش
ولا قلك
منحطها مفعلوش وخلصت القصة

بالنيك نيم تبع سعدو نبدا



1-مامعنى الخاشوقة:

أ- ملعقه ب- لفظ سيئ ج- اداة تستخدم بالزراعة
مفعلوش :
خخخخخخخخخخ ........ خخخخخخخخخخ تفوه عليك يا قليل الادب


2-مامعنى الرعوش:

أ- كروم العنب ب-نوع من الجدران الاستنادية في الأراضي الزراعية ج- الشعور بالبرد
مفعلوش :
هاتلك عنقود

2-مامعنى السقرق:

أ- أناء فخاري للطبخ ب- وعاء للماء ج-فأس لتقطيع الخشب
مفعلوش :
اناء فخاري للطبخ يكسر بعضه
4- ما معنى قوجماني:

أ- نوع من الأكل ب- بشع جداً ج- رئيس مخفر الضيعه
مفعلوش :
في شب بعرفه من بيت القجميني .. كلمة قريبة يعني
هوي الزلمة سكرة وكتير حباب بس معه تشوه خلقي وفي مشكلة بوجه
فيعني واضحة القصة
5- مامعنى الشاروخ:

أ- مفك براغي ب- مشاية "شحاطه" ج- تصدع في الحائط أو الجبل
مفعلوش :
هاد السؤال والحييييييييد اللي متأكد منه مليار بالمية ومتأكد بانه المشاية
ومع هاد الشي انا انسان صاحب قضية وما بخون البرغي
وفشرت بنص عينك تخليني انحاذ للصواب واتخلى عن احد مبادئي
واحلى مفك براغي .. وحتى لو كان معكوف

6- ما معنى لاقوش:

أ- هاتف ب-مرض يصيب الفم ج-كتير الكلام
مفعلوش : انت واحد علاك واكيد من كتر ما قالولك ياها تأثرت فيها وكتبتها هون .(( بشرفك ما بنفع محلل نفسي ))


7- مامعنى قلشين:

أ-نوع من أنواع الجبنة ب-جرابات "كلسات" 3- ذكي جداً
مفعلوش : والله جوعان
بعدين الجبنة مشهورة بفرنسا
وفرنسا كتير قريبة على الساحل .. يعني مافي بيناتهم الا بركة مي .. والا ما يكون في عمليات مبادلة فيعني الجبنة بتاخد حيذ مهم عند الساحل السوري بحكم الجوار .. فاكيد في كلمة خزعبلية مربوطة فيه

8- ما معنى درخوش:

أ- ذكر النحل ب-مطاطه ج- فتحة صغيرة
مفعلوش : هي مانها ساحلة
9- مامعنى زنزوقه:

أ- مرتبه جداً ب- أرجوحه ج- مطاطه
مفعلوش : الارجوحة بتزقزق اذا ما كانت مزيتة .. بتزقزق معناها زقزوقة وانا فرضت انك مأخطا لغويا بالكتابة ورحت شايف لحالي
10-ما معنى جمة:

أ- لفة توضع على الخصر ب- الرأس ج-صحن لتقديم الطعام
مفعلوش : يا الله يا باسم .. طبلي شوي
11-ما معنى شايعه:

أ- الفتاة الشقيه ب- الأرض التي لايوجد لها مالك ج-الطعام المالح جداً
مفعلوش :
في هذه المناسبة يذتذكرني قول الشاعر العربي الاصيل الذي لم ولن اذكر اسمه حرصا على وقت القارى ولعدم تضييع مدة زمنية معينة في قراءة اسم الكاتب آملا ان يستغل فارق الزمن في تعلم اشياء مفيدة في الحياة
وحرصا على وقت القارئ .. لن اذكر قول الشاعر ايضا
12 ما معنى شحميطي:

أ- الخشب المحروق ب- الحليب الساخن 3- لفظ تعجب أو ندب بمعنى "شحاري"
مفعلوش : انلعى قلبي
ـــــــــــــــــــــــــ ــــــــــــــــــ



تقبل الاجابات خلال 3 أيام من تاريخ اليوم... موفقين

مفعلوش : طلعت زلمة انتمائاتك المحافاظاتية (( شيت المحافظة )) مباعة بادلب
فيبريني عن ديني السعدوي اذا ما بهادا بهاديك