[LiOnHeArT.3LA2]

كاتب النص الأصلي : sweetbaby

ياشباب كل مين بدو يقدم ع الجنسية الحمصية لازم يجيب علامة كاملة بالفحص بالاضافة لانو يكون بيوافي هالشروط...

الجنسيةالحمصية هبة من الله سبحانهو الحمد لله على هالنعمة و لازم تكون مقتنع انو حمص مستقلةو لازم يكون كرماوي لإنو الكرامة إنتماء منفصل
.. لهون الامور تمام ..
حتىتكتسب الجنسية الحمصية يجب أن تتوافر فيك الشروط التالية :
أولا-أن تكون مستعدا لأن تعيد يوم الأربعاء ، يعني تصيف عالأخير، تمشي بعكس السير مثلا ، تلعب بالطابة بالشارع ، تسبح ع الشاطئ ، مع إنو ما في شاطئ عنا بحمص ، بس بدك تدبر راسك ، يعني :
تخرج عن كل الضوابط والأعراف المألوفة ، فكل ما هو مألوف يجب تغييره يوم الأربعاء

ولازم الخميس تنزل تتدرج وتلطش بنات باحدى الشوارع التالية :
الحمرا " الملعب البلدي " .. الحميدية .. الحضارة .. .
حسب ثقافتك .. وكل الثقافات موجودة عنا منشكر الله

ثانيا-لازمتكون من العالم اللي بحبو أكلة المجدرة . مع البصل طبعا . فإذا ماكنت هيك روح دورعلى غيرنا .

اووووووووووف هادا شرط اسوسي

ثالثا-ولازم تكون مطيع كتير لزوجتك ، لأنو الحماصنة مرضيين كتير ،يعني بدك تخفف شوي من رجولتك ..يعني تصير خروء شي 8 ساعات باليوم ومالك كلمةبالبيت

هي جديدة ..

رابعا-بدك تكون ظريف كتير مع الموظفين ، لأنو عنا الموظفين بحمص حساسين كتير و بيزعلو فورا ، يعني بدك تراجعهم بزوق وهدوء بدون ما تجرح مشاعرهم ، ولا تنسى .. المعلوم !! اي اي هه المعلوم لأنو بلاه مافي شي بيمشي

من هي الناحية منشكر الله ..
انا لسا ما رحت قدمت على هوية مشان ما اجرح شعور شي موظف .. ويجرحلي التلت فيوزات الباقيات بعقلي..
اضافة الى نسبة الاوكسجين اللتي تتعدى ال -70 بالمية

خامسا-لازم يكون عندك فراسة وسرعةبديهة ، وتعرف الشوفير اللي ماشي قدامك لوين رايح وكيف بدو يلف او بدو يضرب فرام ولا لاء !! لأنو عنا بحمص ما حدا بيعطي إشارة وكلو بيطحش على كلو !! وعلى فكرة لازم تزكرو كمان انو يشغلك العداد لأنو وين مارحت رح ياخد منك 25 ليرة لذلك فزكرو منشانيشغل العداد

هادا غير ازا كان من احد العيل المشهورة جدا وكثيرا .. من دون ذكر اسماء .. ابو اللبن .. حديد .. اخرس .. دروبي .. هلم جرا ..
فهون هوي بيبين من سيارتو .. ولحالك انتي بتعتذر منو ازا ضربك ..

سادسا-لازم تكون رئتك ملوثة بنسبة 99.999 % لأنو إذا كنت متعودعلى الهواء النظيف والعليل ، ما راح يمشي حالك عنا بتمرض بعدين بأمراض مزمنة . لأنوعنا كل أنواع التلوث .. والحمد لله ، إلا إذا حبيت تسكن غرب حمص ، على ضهر القصيرمثلا أو بالقرب من مرمريتا ، فيمكن يمشي حالك وبيجوز تموت هنيك لأنو الحماصنة بسطلعو من حمص بموتو و طلع السبب انو عم يشمو خارج حمص هوا نضيف .
هادا مدبرين امرو .. اللوكي بينفع .. لوك صحي .. بس ازا بالقصير كمان اوريدي بدك تختنق من ريحة الشئسمو .. الشئسمو هوي المتور ..
حيث يمر يوميا عبارة عن 5000 ميتور بالدقيقة الواحدة ..
محملين بهدايا .. من المازوت النظيف
سابعا-لازمتحكي عالعريض ، أما شو يعني عالعريض ، فلازم تسأل مهران يوسف تبع برنامج سؤال عالماشي ، وإذا حزرت إنت وعشرة كمان فراح يقسم الجائزة بيناتكم ، وغالبا راح يحجبهاعنكم .
لك هون بدي احكي شوي بالجد ..
انو عنجد اللهجة الحمصية انضربت ضربة بنت حرام ..
قليل كتير اللي عم يحكو حمصي اوح ..
وخصوصا البنات .. انا بموت بالبنت اللي بتحكي حمصي ..
اغلب البنات اللي عم يحكو حمصي هلأ .. هني بنات الحميدية ..
والبنات البقية .. بينقسمو لعدة اقسام
1- شامي .. على مياعة
2_ حموي .. على غلاظة
3_ نص عربي نص اجنبي .. على بياخة ومنفخة

ثامنا-ولا ننسى الأركيلة .. لازم يكون عندك نفس ماكن يعني شفيط نمرة واحد

ولازم معسلك يكون بحريني او سعودي .. فئط لا غير ..
ويفضل تنباك .. مشان الريحة تبعيت التنباك .. لانو ريحة بتجنن

تاسعا-ممكن تحصل على مرتبة الشرف إذا قتلت تنين حموية

مع وسام

عاشرا-أكيدبدك تحفظ شعار الحماصنة .. وهوي :



(الحماصنةالصقور الحرة .. نظرتهم حادة ومرة .. واللي بيحبهم مرة .. بيحبوه ألف مرة ومرة (..

+
حومص يا اوم البلاد .. دبحتينا بحبك .. اي حاجي عاد



وأخيرا وليس آخرا : إذا وجدت هذهالشروط منطبقة عليك أو بإمكانك الوفاء بها فلحق حالك لأنو كل أربعاءالشروط بتتغير

ايييييييييييييييييييييييي ه

تقبري قلبي يا حمص .. ازا في متلك ..

حمص يا حمص .. منحبك