[رجل من ورق]

بالمجمل الحفلة حلوة وبيكفي وجود جوليا لتكون الحفلة رائعة اغاني متل شي
غريب انا مش الك على شو تعودنا عليك منحبك ايه يا قصص ولعت
الجمهور وبالكورال قلنا مزحة كانت جنون
بس بصراحة حفلة 2006 احللى بكتير
التنظيم هالمرة فاااااااااااااااااااشل وستين فاشل يعني الاحتفالية
توقعت منها تنظيم بقوة اللي صار بحفلة زياد الرحباني بس للاسف الناس
قاعدة فوق بعضا والصفوف عم تتحرك كيف ما كان وفي كتار ضلوا واقفين وهيدا
خلل ببيع البطاقات
الكارثة الثانية كانت الاضاءة يعني جنب كان مضوى والتاني اخف والبروجكتور
الكبير ضربلي عيوني وهوي مسلط على الجمهور
الجمهور نفسه كان في جزء منه جاي ليتلسى وهي مو ذنب حدا بقدر ما هي
مشكلة هدول العالم متل الست اللي قامت ترقص وتهيص لما غنى الكورال قلنا
مزحة وللبد ووقت غنت جوليا بتنفس حرية
عدا عن عالم قاعدة عم تنكت وتتفلسف وتطق حنك
يعني يللي جاي لهيك حفل بيكون جايي ليحضر جوليا وبس مش ليهيص ويطق حنك
ياريت المرة اللي جاي وقت يجي مرسيل خليفة تكون الكراسي بشكل مدرج لنقدر
نشوف اكتر
بصراحة احلى شي بالحفل كان الاغاني لبنان نيالك وخلص انتهينا وشكله
ظريف بتاخد العقل
خلصت الحفلة ولسا ببالي انطباع انو احبائي كانت احلى من هيديك الحفلة بسبب
التنظيم