[Abu ToNi]

كاتب النص الأصلي : ABU WILLIAM

سؤال حاج غابي

هلق سعدو شو لح يكون محلو من الاعراب بالنسخة الجديدة

و مشان الزر برئيي نعملو ريمونت كونترول

شبك يا زلمة
شو مشان مشروع تبدا اتطلع ابعد من انفك
تخيل كل زلمة معه ريمونت
بصير تشويه للاشارة
بعدين يا اما بدنا ننزل ريموت ستاندر (( وهيك مفروض ))
يا اما بدنا انزل ريموت مع كل واحد
هلق اذا ستاندر في مشكلة
بس اذا ريموت في مشكلتين
يعني بصير كل زلمة اله شكل ريموتاواتي معين .. وخود على تمييز
انا بدي اقضي على كل اشكال التميز والعنصرية ومعاداة السامية .. فتّحلي مخك معي كرمان سعدو

كاتب النص الأصلي : مايسترو

برايي

ما نحط سعدو بالمرة لانو كان عم ينصب

اقضي
بعد اللي عمله معي بدي العن طائفة السعدوية كلها على بعضها
قال سعد السعود يغلي الماء بالعود
اي بدي اغلي دمه .. طول بالك علي .. بدي امسخه دينصور منقرض

كاتب النص الأصلي : مجنون يحكي وعاقل يسمع

تحياتي إلك أبو طوني
اقتراحات أخرى "بضم الألف " وحياة عينيك التنتين ما ضل عندي , عم استبق الأمور وعم فكّر شلو ن لازم يتم التعديل
بالحمير اللي خلقها الله منشان تضل مناسبة للبني آدم اللي عم يتعدل, أصلا قبل التعديل تبعك كان اسمو ابن آدم بس هوي ابن الله , بعد التعديل بيصير بني آدم , ونفس الشيء الحمار اللي أنا عم أعملو التعديل بيصير كمان حمار بني آدم وبيصير البني آدم الموديل الجديد والحمار الموديل الجديد تنيناتون بني آدمين
والله عجبتني هالنغمة

مع الموافقة على بياض (( كوني مصحصح اليوم كتير منيح وما عبقدر ادخل بالحالة تبعك وافهم عليك .. بس من خطك ورجفة ايدك مبين في هدف سامي ورا الفكرة فروح شايفلك ))

كاتب النص الأصلي : فسحة أمل

أنا بدي أقترح عليك بالنيو فيرجن انو تزودو عدد الرواح يعني مشان اللعب يكون أحلى ما من أول مرة يحطولك جيم اوفر ما حلوة بتصير بايخة يعني حرام إذا القطط إلها سبع رواح يعني عالمقلينة يكون في شي 12 / 13 روح وتنزلو كرت ذاكرة ولا تنسى الجكة مشان نسيف

هي سبقونا عليها
يعني المواطن هون بموت وبعيش كل يوم
يعني سنويا عنده شي 365 فشو بدها تعمل ال 12 ، 13 تبعك ؟!
ومشان الكرت هاد من اهمهم الشغلات