" انتباه انتباه و شويه حزر .. لا تخلي قنينه الغاز مصدر اخطر و خلي شعارك انتباه ..
لا تخلي القنينه جاري جنب المصدر الحراري و لا تخزنها و لا تهملها و خلي شعارك
انتـــــــــــــباه " - اعلان كان يطلع على قناه الشام الارضيه وقت كنت بالابتدائي
" ريحه غاز .!! شامين ريحه غاز ؟ " - عباره برددها الشـخص و هوّ عم يرفع انفه و يشـم شم محاوله للتأكد من التنبيه اللي عم يرسله ياه عقله
"اذا شميتي ريحه غاز فتحي الشبابيك و تأكدي من مصادر الغاز بأنها مسكره و اذا ضلت ريحه الغاز طالعه تركي البيت و روحي لعند الجيران " - عباره الاهل برددوها كلّ مرّه بدهم يطلعو و ضل لحالي بالبيت
" الجرّه عم تسرّب " - مـقوله عاده بتنقال بثقه أنو هــــع كـشفنا العطل و بأغلب الاحيان بكون اللي عم يقولها حاطط ايدو على تم الجرّه وعلى السـكر تحديدا و عم يفتل فيه
..
" غـــــــــــاز , غـــــــــــــاز , غــــــــــــــاز ! " عباره برددها عاده بياع الغاز و هوّ كامش بايده مفتاح غاز انكليزي مشـحور لشبعان و مزيّت لشبعان وبكون نازل طرق من على بكرا الصبح بوحده من جرات الغاز الزرق الفاضيي ..