انو و انا عم بقرأ اجوبتك.. و شفت هادة الجواب حسيت كانك عم تحكي عني..
اي اي انا بعبر عن حالات كتير بنات...
لانو كزلك انا بكره تطواية الغسيل (مالي خلئ طوي و ايضا منشان ما روح ودي الاواعي لمحلون)
و مسح الغبرا.. بس بموت بالجلي.. (بعمل مجزرة ازا حدا جلى غيري
)
طيب انو هيك كم سؤال على الماشي..
تكرم عينك..
1- اديش صرلك مغتربة ..؟؟
اربع سنين وشوي...
2-بتفكري بيوم من الايام ترجعي على سوريا رجعة دائمة.. بمعنى الاستقرار..؟؟
ممم مابعرف ممكن.. مابقدر قرر من هلا..
-هلأ ممكن انك تكذبي اي كذبة على اي حدا تفاديا لوقوع مشكلة ولا انو عندك هل الشي خط احمر ما ممكن
انك تكذبي لو شو ما صار..؟؟
ممم حسب الشخص اللي بدي اكذب عليه.. يعني لو شخص بيهمني كتيير مستحيل اكذب عليه... بس انو شخص مابيهمني اي مابتفرق معي بس يطلع من راسي..
4-مين ممكن يحفظ سرك..؟؟
عدد محدود جدا من الناس...
5-طيب لو طلبوا منك انك تحكمي امريكا .. شو هو اول قرار ممكن انك تتخذيه..؟؟
يرجعوني ع سوريا
6- عطينا رايك بهدول:
_ الحرية:
امر كتير مهم ولازم الكل يتمتعو فيها بس مالازم نغلط باستخداما
_الغربة:
تجربة... صعبة وبتوجع بس مهمة
حمص:
حومص ياام البلاد بموت فيكي وحاجة عاد... حومص الوجع..عد بي الى حومص ولو حشوالكفن
_الصداقة:
مهمة كتير بحياتنا...
_اخــوية:
مجمتع صغير بيعبر عن المجتمع الكبير
_الحب:
شي مهم كتير بحياتنا مابقدر عيش بدونو
_المستقبل:
شايفتو ادامي وعم اشتغل عليه...
_الموت:
محتوم علينا
_الخوف:
اخسر اي حدا بحبو...
7-اخوية شو قدملك من ايجابيات..؟؟
علمتني كيف اعرف شو طبيعة الشخص...
8-ممكن اصدقائك اللي تعرفتي عليهون ع النت يصبحوا ذكرى بيوم من الايام..؟؟
في كتير منون صارو... وفي منون صارو جزء لايتجزء من حياتي
9-شو هو الشي اللي ممكن يخلي سويت بيبي تشعر بالخوف فعلا..؟؟
فكرة خسارة اي حدا بحبوو
10-ممكن انو تلحقي الموضة (باللبس طبعا) حتى لو ما عجبتك..؟؟
ممم بنقلها وبحورها بحيث انو تعجبني وبلبسا
________________
_اعتبري انو هل الدنيا الها دستور.. و هل الدستور هاد لازم ينعاد صياغتو.. برايك.. شو هنن البنود الاساسيين
اللي بتحسيهن ضروريين جدا لتحقيق العدالة,, و شو الشي اللي ممكن تحذفي ايضا من هل الدستور..؟؟
هممم بعض الافكار البالية جدا لازم تنحزف... وانو نترك كل واحد خليه هوي يختار حياتوو.. وماحدا يتدخل...(مابعرف حسيت حالي ماكتير فهمت السؤال)
_هلأ البنت .. برايك.. شو اكبر مشكلة ممكن انو تواجها
كــ طالبة
ممم ازا بدها همها دراستا من اكبر المشاكل انو تلاقي شي يلهيا عن دراستي
كــ زوجة
تتدخل الشكوك لجواتا
كــ أم
تتعلق لدرجة كبيرة بابنائها بحيث تصير انو تقرر كل شي عنون
_ بتأيدي النقاش بين الاديان..؟؟
ممم اي ليش لاء... بس معد عدم فقدان الاحترام للطرف الاخر خلال الحديث
_ برايك شو هي المشاكل اللي ممكن تواجهو للعضو الجديد بأخوية..؟؟
هممم يمكن انو لبين مايتعود عالجو...
و هيك منكون خلصنا بعونه تعالى..
يكتر خيرك