[فسحة أمل]

الكبت من أخطر الامراض الاجتماعية , والي منتشر بكثرة في المجتمعات الشرقية , يعني الفرد بمجتمعاتنا الشرقية المتشبثة بعادات وتقاليد أغلبها أكل الزمان عليها وشرب بعاني من كبت بكافة نواحي الحياة , وأغلب نماذج الكبت الي بعاني منها هيي الكبت الفكري , والكبت السياسي , والكبت الجنسي.
هلا بالنسبة للكبت الفكري الي مرتبط بشكل كبير بالكبت السياسي والي بقيدو كمان العامل الديني .
أغلب المفكرين العرب يلي بيبدو أفكارن بوضوح وبدون أخذ أي اعتبار للخطوط الحمر بكونو بنظر المجتمع مارقين وبتنهال عليهن كل انواع الوصوف والنعوت من التكفير إلى التبعية إلى مخالفة التقاليد والعادات وكل الزنب الي ارتكبوه هوي ابداء الرأي التعبير الحر عن أفكارن أو التعبير عن ظاهرة اجتماعية خاطئة أي أن كل من ينقد المجتمع يتعرض للرجم والنبذ الاجتماعي , وبالتالي أغلب الأفراد بينحطو امام خيارين يا أما الكبت الفكري وعدم التعبير عن أفكارن يا أما الهجرة لمجتمعات أكثر تحرراً بتقبل الافكار الي عم يطرحوها .
اما بالنسبة للكبت السياسي فهو صاير متل الايدز من حيث الانتشار بالمجتمعات العربية لا يمكن منتشر أكتر من الايدز والمراض السارية والمعدية لأن الانسان مضطر يكبت عصبن عن راس أبوه يا أما النتائج معروفة .
كذلك الكبت الجنسي الي هوي من أخطر الانواع ويمكن تناقشنا كتير بهل الموضوع , المجتمعات الشرقية شوهت مفهوم الجنس لدرجة أنو صار الجنس من الرزائل بدل ما يكون شي سامي صار بمجتمعاتنا شي مرتبط بالغريزة فقط لا غير . أضف الى ذلك أنعدام أي توعية جنسية .
وعلى فكرة الكبت خطير لأن الشخص المكبوت لح يفرغ كبتو بشكل سلبي بدل ما يفرغ رغباتو بشكل ايجابي .
هي مبدأياً متابع ...