[سوا ربينا]

انو صباحو للكل.. قبل كل شي هالموضوع امبارح كتبتو وهو المفروض لامبارح بس الاخوية اتعطلت وقت ما كانت بدي ابعتو .... هلأ الموضوع ما عرفت وين حطو ... كنت بدي اكتبو بموضوع اكتب رسالة للبتحبو ..بس قلت هاد جريدة.. وكنت بدي حطو بالتشرسفات حسيت انو مش مناسب قلت احسن شي هون ...
هلأ انا وفي متل امبارح من سنة 2007 .. كان اول يوم الي بالاخوية .... يعني امبارح طبقنا السنة ... سنة اخوية كاملة .... بس هالسنة اخدت جزء كبير بحياتي وغيرت جزء بقدر قول عنو انو كبير نوعا ما بحياتي .... رح قول شغلات صارت معي ويمكن من اهم الشغلات ...
فانو بدكو تتحملونا مو بكيفكو كمان ...
اول ما دخلت ع الاخوية اتوقعتو متلو متل اي منتدى بس بسجل فيه لحتى اخد غرضي منو اغنية او برنامج او .....الخ ... بس لما سجلت فيه وشفت نظامو عجبني واكتر شي طبعا عجبني اللهجة اللي مكتوبة فيه ... اشتركت وبلشت شارك اول باول طبعا اول ما اشتركت باول موضوع يمكن .. عملت مشكلة واخدت مخالفة ...
وبموضوع تاني اشتركت فيه اتمشكلت مع صافو ....وبخلال شهر ونص تقريبا اخدت مخالفتين وتنبيه ...

هو بدكو الصراحة انا اولها كنت مشكلجي شوي .. او مش شوي كتير .. يمكن السبب انو انا باعتبار تقريبا كنت عايش بمجتمع منغلق على حالو .. وكلو عادات وتقاليد .. وبحياتي ما اتعاملت مع ناس غير يا مسلمين يا مسيحين بس ... ويمكن انو جيت هون وشفت ملحدين فانو لانو بحياتي ما اتعاملت مع ناس ملحدين فانو حسيت انو في شي غريب علي ونفس الشي الشيعة يعني بالاردن ما في طوائف غير المسيحية والاسلام ... لهيك يمكن كنت مشكلجي .. شوي ... ... طبعا بوجه تحياتي لجميع الطوائف

ما علينا .....

انو وبعد كذا مشاركة وتعامل مع ناس كتير ... وبعد كذا مشكلة وكذا مناقرة ... حسيت حالي صرت محترم ... ومش مشكلجي .. وحسيت هالشي يمكن بعد ما غيرت اسمي ... يمكطن الاسم الو تأثير ....

المهم واتعرفت ع كتير ناس .. وعندي اياهم بالدنيا كلها ... كل بني ادم بعرفو هو صار جزء مني .... ( يعني صرنا اجزاء... حاسس حالي بملحمة )......

وعن جد اخوية صارت جزء كتير مهم بحياتي وبتمنى انو ما استغني عنها ولا اتركها ....

نهايةً بدي وجه شكر لجميع الطاقم الاداري وجميع المشرفين فردا فردا .... والمنسقين وكمان فردا فردا .... لانو بيشتغلو على انو اخوية تكون الاحسن وتضل الاحسن ورح تضل الاحسن والاحلى بنظري وبنظر كتير ناس .....

وبشكر المشرفين المتقاعدين .. لانو يمكن انا وغيري ما شفناهم شو عملو وشو اشتغلو لتكون اخوية بالشكل اللي نحنا شفناه فيها لما دخلنا ....

وبدي اشكر كل الناس والاصدقاء اللي بعرفهم ...وقلهم انو انا بحبكم كتييييييييييييييييير....
كنت حابب اذكر اسماء كل الاصدقاء اللي بعرفهم وبحبهم كتير ... بس طولت كتير وبعرف انو صرت كاتب جريدة ولو بدي احكي عن كل واحد اليوم ما بكفي ... وبخاف ما اعطي حدا حقو ... بس رح اذكر هالاسم الوحيد ....




Romance Queen ... عبورة قلبي احلى واجمل شي عرفتو من الاخوية ... عرفتها من فترة قليلة شوي.. بس ياريت كنت بعرفها من قبل بدي قلها هون وقدام كل العالم .... انو انا بحبها كتيييييييييييير ....

اخيرا...

بدي قول لكل المعتقلين من الاخوية ... وكل العالم ربنا يفك اسرهم .. ويحررهم من ايدين الظالمين .. وبدي وجه كلامي بشكل خاص ل كريم عربجي ... هالشخص اللي حبيتو انا وكتير ناس بدون ما نحكي معو او نشوفو ... او نشارك معو بمواضيع او نتناقش معو ... بدي قلو ربنا معك ونحنا كلنا معك ....
--------------------------------------------------------------------------------------------------------------------


هموش زغير::: بعتذر كتير ع الاطالة ... بس لسى في حكي كتير كنت حابب اكتبو .. بس قلت بختصر (قال يعني هيك مختصر)
وشكرا للي رح يقرأ وبتحملنا ....


ودمتم ودامت اخوية ....