أخوية - عرض مشاركة واحدة

yass · 09/10/2008

Thelight : شي رائع هالصور.. كترلنا منهون

مايا*: بلكي نعمل زيارة جماعية لشلة أخوية

المعرض الرابع: San Andres de Teixido

قرية... يمكن الطريق لألها أصعب طريق مشيت فيه بحياتي.. جنبو بتحس طلعة كسب أوتوستراد أفقي... لأنو لازم تطلع سلسلة جبال فوق الألفين و خمسمية متر, لتنزل هيك فجأة بنزلة رهيبة و الطريق كتير كتير ضيق يا دوب يوسع سيارتين (و يعني لوعورة المنطقة صعب جدا يكون الطريق أحسن مهما حاولو) .. و النزلة نص مصيبة.. بس انو طريق الرجعة تشوف السيارات كيف تحرّن عالطلعة.. و تظل ماشي عالأول لتوصل أعلى الجبل (و يعني ولا فخر سيارتي 150 حصان و مع ذلك وقت اضطريت وقّف لأنو سيارة قدامي طفت معو بعدين التعن سمايي لحتى قدرت قلّع من جديد) ..

المهم ما كنا.. قرية بديعة.. و ياريت الطريق لألها ما يتحسّن بحياتو مشان تظل هيك, الها أهمية ميثولوجية و دينية كبيرة بهالمنطقة (منطقتنا هي منطقة كلتية تاريخيا و ليس لاتينية, لذلك بتشوف تشابه ثقافي و موسيقي و عادات و تقاليد مع أيرلندا و اسكتلندا و ويلز أكتر من باقي اسبانيا, يعني اللي ما بيعرف هالشي و يجي ما يصدق حالو انو باسبانيا), و هاي القرية وحدة من أمثلة تمازج الميثولوجيا الكلتية مع الديانة المسيحية...

هالقرية موجودة بالميثولوجيا الدينية الكلتية كمحج.. لأنو كانو يقولو انو ازا ما رحتلا بحياتك, فراح تزورها بعد موتك على شكل حشرة أو حيوان زاحف (لذلك لهلأ الناس وقت يروحو و يمشو بالشارع يحاولو ما يدوسو أي حشرة .. مو انو مصدقين الميثولوجيا بس هيك عادة

)

بعد مجئ الديانة المسيحية صارت الها أهمية لأنو اقترنت باسم قديس (وهو سان أندريس=أندريه) عمل شي مشابه للي عملو سان باتريك (قديس ايرلندا الأول و بالتالي كمان بأميركا مقدس عند الأميركان من أصل ايرلندي) يعني أنقذ المنطقة من هجمة أفاعي

فيها كنيسة حلوة كتير, على بساطتها, من القرن 18 +عدد هائل من ينابيع المي + مساحة صغيرة صايرة متل مصطبة عشبية قبل الجرف هيك صايرة متل مساحة "سحرية" بيقولو من أيام الكلت انو ازا تركت رسالة للـ "جنيات, ساحرات.. هيك شي" رح يلبولك ياها (و في ناس بيحطو رسائل هيك يعني عادة و ليس ايمانا)

نترككم مع الصور:

يتبع...