اقتباس:
كاتب النص الأصلي : sona78
من ناحية انو هي خاصة بالطلاب بقلك لا يا صديقي ..حتى اذا الواحد طالع زيارة او تجارة مطلوب منو قبل ما ياخد الفيزا كشف حساب بالبنك وسند ملكية عقار على مبدا انو ضمان من شان يعرفو انو هيدا الشخص عندو شي يرجعو ع البلد هي انا متاكدة منها لاني حكيت مع تاجر سيارات مرة بالصدفة لما كنت ناطرة احذ الفيزا اول مرة ولما زاروني الاهل . يلي انت عم تحكي عليهون غالبا بيكونو متجنسين سواء عن طريق الزواج او عن طريق الاقامة الطويلة مع وجود عائد مادي مستقر يعني امنو عمل هونيك .
مشكلتنا نحنا لما منساقر لندرس منحمل حلم انو رح نعيد اكتشاف الذرة ونرجع على بلدنا وبراسنا طموحات وطموحات انو بدنا نقلب البلد قلب... هي بالتاكيد تعكس حب ورغبة بالتطور حاملينها بقلوبنا ..
بس للاسف مننسى خلال فترة اقامتنا واقع بلدنا .ز يعني نحنا اتعودنا خلال الغربة على نمط متطور من الامكانات والمعيشة مانها موجود عنا بالبلد ولما منرجع لنعمل شي منحاسب البلد انو ليكو ما عم يعطينا مجال نطور فيه .
ما بعرف من وجهة نظري انا لما بدي اعمل هدف حسن بلدي لازم واتذكر دائما واقع بلدي .. ما معقول اني خطط انو سوريا رح اتوفر الي الامكانيات يلي وفرتها المانيا .ز لاني هيك عم اعمل بلد بقمة التطور العلمي والتقني مع كل المجالات يلي بوفيها كمقارنة مع بلد اولا واخيرا نامي ومتخلف تكنولوجيا .
لما بدنا نطور بلدنا لازم دائما نبدا من ارضية انو شغلنا يتلائم والامكانات المتاحة .سورية معروفة انو فيها فساد اداري وخلل اقتصادي ومشاكل ما هب ودب فلما انا بدي فكر اشتغل بسورية يا باخد بالاعتبار المشاكل المعروفة لكل تاجر او طالب انو رح يتعرضلها ومع ذلك بسعى اني حسن شي ( اعتمادا على مبداي اني بدي انفع البلد ) او بلاها كل عهالشغلة وبلا ضرب منبة انو هي جربت وفشلت .. اكيد لما مننسى واقع بلدتا يلي اولا واخيرا قدملنا الاساس يلي بنينا عليه نجاحنا بالغربة ما رح ننجخ انو نحقق ايا شي. وكمقول بلنا ما عم يقدر قيمتنا ونرم وشنا تاني مرة لبلد الغربة
بضل وجهة نظر .. بس كلامك سمعتو من كتار عم يسعو كتير حاليا لياخدو الحنسية وبدون حجة لحتى ما يعودو على الوطن .
|
\
كلامك عن تطوير الوطن بينفهم على الشكل التالي
الحق على اللي عم يطلع يتغرب و يدرس او يشتغل وبعدين بيرفض يرجع على بلدو لانو ما عادت من مستواه مو هيك بدك تقولي؟؟
بس هالحكي مو صح ابدا , بس يكون عندك دولة همها فعلا تطوير البلد , بدأت ولو من تحت الصفر باصلاح البلد اقتصاديا و اداريا وسياسيا واجتماعيا, دولة عندها الحد الادنى من الاخلاص للوطن والتفكير بمشاكلو صدقيني معظم اللي برا كانو رجعوا وفكروا يساهموا بهالشي
اما في ظل المافيا القائمة حاليا, واللي اسمها زورا وبهتانا دولة ما بتقدري تحطي الحق على المغترب اذا رفض يرجع , لانو رجعتو معناها شي واحد هي انو دمر مستقبلو الشخصي ومارح يقدر يفيد البلد باي شي لانو كمواطن عادي في بلدو ما بيسوى شي حتى لو كان اخد جائزة نوبل وما حدا اخد برايو ولا معبرو
لك حتى القطاع الخاص اللي المفروض يكون بعيد شوي عن سيطرة الدولة وهو المجال المفتوح امام المغتربين, متل ما بتعرفي مملوك لابناء و اقرباء المسؤولين الحرامية وصار وضعو اضرب من القطاع العام