[الكرواتي]

كاتب النص الأصلي : passerby_intime

على راسي رأيك من فوق
والفائدة موجودة بكلامك بالتأكيد ( وبكلام جميع من مر قبلك كمان)
أما منشان >>
[/color]
شو ممكن يكون تأثير الواحد لوحدو على جماعة مشرشة جذورها لمركز الأرض وأنيابها زرقا ودمها أسود وكلامها مثل السم وطالعا بالعلالي ومو مسدئة حالها وشايفين حالن الله خلقهن وكسر القالب
وشو ممكن يكون تأثير الواحد لوحدو على شي أكبر من جماعة >> على مجتمع كبير بحجم السما وكله شايف إنو القطيعة مع كل فرد من جماعة تانية هو الحل الجذري والوحيد !
لك الشكر على المشاركة
سعيد بمرورك وبرأيك

حلو هالكلام وعم نحكي على مجتمع كامل ونحنا يطلق علينا الآن اسم الجيل المثقف الواعي المنفتح على التطورات الحضارية حلو لهون.
والشي اللي عم تحكي فيه ماإجى مبارحة بهالمجتمع هدانتيجة تراكمات لذلك انا بشوف من الضعف انو نسلّم للأمر الواقع وهدا مو معناه انو نخرب ونقاتل شوف غاندي قديش صبر وناضل وضحى بالأخير بحياتو من اجل سياسة اللاعنف؟؟!!
ماقصدي نروح نموت بس تأكد تماما وجودك في اي مكان مو متل عدم وجودك في نفس المكان . قصدي وجودك له تأثير ولو حتى بشكل بسيط على المحيطين إن كان بآراءك أو أفكارك وهذا معناه ان تفكر بإيجابية وليس ردة الفعل اللي حكيت عنها بأول رد لإلي. خلي تكون ردة فعلك تجاه الآخرين بإيجابية واسمحلي اجيبلك مثل قالو السيد المسيح : من ضربك على خدك الأيمن فحول له الآخر , وكمان قال:لاتقاومو الشرير.
ومن هون ياأخي الكريم مافي حدا مهما كان سيء وتعاملت معه بهالطريقة شوي شوي رح يشوف حالو قديشو صغير .. سيبك من الأشخاص اللي بيشوفو هالتصرف انو هنن عناتر زمانون يابا وماحدا قدون
المهم حتى ماطول نحنا كشباب جيل طالع مثقف ومنفتح في هذا المجتمع المنغلق ماعلينا سوى ان نفتح طاقة او شباك نمد يدنا من خلاله للآخر واكيد رح تلاقي مين يرد عليك لأنو مافي شر مطلق وكمان مافي خير مطلق على مبدأ دائرة التاو وهدا الشي مارح يغير الأمور بين ليلة وضحاها بس منكون عملنا اللي بنقدرو وبمنترك الباقي للزمن مع حفاظنا على شخصيتنا وافكارنا وان لا نذوب نحن ايضا مع فكر هذا المجتمع لأن كل واحد لديه عقل وتفكير ويستطيع التمييز بين ماهو خير وبين ماهو شرير .
ولك مني تحية أخوية من هالأخوية ومالازم نستسلم للإحباط لأنه عدو النجاح.