اقتباس:
كاتب النص الأصلي : واحد_سوري
قبل كل شي شكراً الك عالكاريكاتير الحلو...
صديقتي برأيي الموضوع كتير معقد و مالو بسيط بالزبط متل ما قلتي
بس المشكلة انو اذا بدنا نقعد نحلل الأسباب منحتاج لمنتدى خاص بهاد الموضوع
لأنو هالشي كان نتاج تراكمات تاريخية على مر العصور هي التركمات الها علاقة بأنو وقت نشأة الدين الاسلامي كان في هدف رئيسي وهو تأسيس دولة
هاد الشي أدى لارتباط الدين الاسلامي بالدولة و السلطة ابتداءً من عصر النبي محمد و انتهاءً بانهيار الدولة العثمانية... هاد الارتباط الوثيق بين الدين و السلطة السياسية أدى إلى ظهور طبقة معينة من رجال الدين .. خليني أوصفها باسم (المرتزقة).. كانت مهمتها فقط توطيد حكم الخليفة و تخدير الناس بفتاوى بتهدف لتهدئة الأوضاع وقت الأزمات و النزاعات (بنصحك بقراءة كتاب _محنة ثقافة مزورة للصادق النيهوم) هاد الكتاب متناول موضوع الفتاوى العجيبة للمشايخ من العصر الأموي إلى عصرنا الحالي تقريباً..و الأمور الدخيلة على الدين الاسلامي يلي اختلطت بالأصل و ما عاد انعرف الأصل من الدخيل...
المهم أنو أنا برأيي أحد أهم الأسباب كان متل ما حكيت فوق هو السياسة بشكل رئيسي ... و هاد الموضوع اتطور بعصرنا ليعكس حالة من الخواء الفكري عند هدول الناس ..و هاد الخواء نتج عنو حالة من العجز عن مجاراة تطور الحياة الفكرية و ا المدنية عند باقي شعوب العالم فكان الملجأ الوحيد هو اللجوء لفتاوى تكفير و إلغاء الآخر و للأسف هاد الالغاء دائماً بكون باسم الله ...
آسف اذا طولت عليكون بس جد هاد الموضوع مانو سهل بالمرة
|
تماما عزيزي , القصّه مش وليده اليوم او هالكم يوم و لكن متل ما حضرتك ذكرت صايره build in the system بطريقه انّو كل ما شغله ما عجبتنا و ما قدرنا نحنا نخوّف الناس فيها بنقلّون الله بيحرقكم بالنار و بنطلّع فتوى ..
لكن اللي بيزعج بالموضوع مش هو بس هالامر و لكن تلقّي و حماسه الناس لاله .. يعني الناس اللي ما بتفكر بقديش هالكلام منطقي او غير منطقي و هيك طم غم بتـصير تكفّر ناس تانيه و تهدر دم ناس كرمال هالكلام اللي ما اله قريب و لا بعيد عن الدين ..
..