اقتباس:
|
معاك، مع وضع خط عريض تحت "بشكل عام"
|
أي طبعا بشكل عام.. لأنو الأغبياء تراث عالمي موجود بكل الثقافات.. و وجودهم ضروري
اقتباس:
و معاك كمان في هاي، أنا ما بيزعلني مبدأ "الأقربون أولى"، يا ريت كان هذا المنطلق و التفكير السائد: في عندي أزمة لعدة ظروف متظافرة حاليا ما بقدر شغلك، و الله على عيني (و احنا إذا جينا نشوف مين اللي تعطل عن الشغل بسبب الأزمة رح نلاقي أكثر شي مهاجرين)، بس لا تخليني أنا السبب في "ثقب الأوزون" (في الحالة هاي "الثقب الاقتصادي").. لأنو كلنا بنعرف انو أنا ما الي علاقة، بس ممكن كلنا مع بعض النا يد في الوضوع..
|
كلام صحيح...
و فعلا, بارتفاع البطالة الأخير.. النسبة الكبرى هيي من المهاجرين (و هاد السبب اللي عم يخلي الشغلة تكبر... انو المهاجر العاطل عن العمل شو منعمل فيه؟ نعطيه حوافز ليرجع ع بلدو؟ و للا نصبر عليه و مندفعلو راتب البطالة لبين ما ألله يفرجها؟ طيب و ان ما فرجها؟ )
الشغلة مانا سهلة بنوب... لأنو القطاعات اللي انضربت بهالأزمة (الزراعة, البناء... الخ) هيي اللي فيها أكتر شي مهاجرين... و عم يجبر هالشي الحكومة تعمل شغلات, لو بغير وقت أنا ما برضاها.. كاشتراكي ما برضاها, لكن بعتقد انهون مجبرين
القانون اللي طالعوه منيح... للظروف الحالية منيح.. انو يقولو للمهاجر العاطل عن العمل انو خيو انت كل شي مصاري الك عنا (ضمان اجتماعي, بدل تقاعد, بطالة ... الخ) منعطيك ياهون دفعة وحدة, و فوقها حبة مسك, بشرط تطلع من البلد و تتعهد ما ترجع لبعد 3 سنين... بصراحة أنا لو مهاجر عاطل عن العمل .. بقبل هالعرض (هو عرض.. مو اجبار) بسرعة... لأنو أغلبية المهاجرين جايين يجمعو مصاري و يرجعو لبلدهون (أمر طبيعي.. هاي هيي الهجرة) فانو هاي فرصة لحتى يكون عندون مبلغ مالي محترم يرجعو فيه و ممكن يبدو فيه مشروع صغير ببلادهون.. حتى لبلادهون هالأمر جيد...
الشغلة مانا سهلة, و مانا بسيطة منوب... لكن بعتقد انو تصرّف حكومة ثاباتيرو.. رغم كل الصعوبات.. هو تصرف انساني أولا.. عقلاني ثانيا...
ما الله يبعتلنا شي خمسين واحد متلو؟؟
