[personita]

كاتب النص الأصلي : yass

_________________________



أنا عندي قناعة انو هالرجل... نص حكيو هو نفسو ما مقتنع فيه, ما بعني انو شخص منيح, لكن مانو من غلاة اليمين متل الشلة الباقية.. هو محكوم بإرث يميني متطرف من أثنار, و محكوم انو أثنار هو اللي حطو...

ع كل.. الشعب حكى كلمتو... و خسر الانتخابات مرتين متتاليات.. و هلأ حتى بقلب حزبو عم يتدابحو


تحيتي

أكيد، هو إرث يميني، و أكيد اليمين بيمثل بقايا فرانكو، لكن الخطاب اللي بيروجوه هادولا الو تأثير أكثر في الطبقة البسيطة من الشعب (أقصد الفلاحين مثلا و اللي ما بيشوفو الأجنبي إلا هو بيشتغل عندهم )، أو الي مانا متخذة موقف لسة، و مش مؤطرة لا من اليسار و لا من اليمين، فأنا إذا أصلا فقدت عملي مثلا، و بسمع انو السبب هو المهاجر اللي عم يشتغل بسعر أقل و بياخذ مني فرصتي في اني أشتغل بشروط مقبولة، فمش رح أحللها بعين الموضوعية و على طول رح أتبنى هذا الحكي، فبغض النظر عن إذا ما كان هو مقتنع و لا لأ بكلامو، خطابو بيأثر بشكل سلبي على الرأي العام ..

و تحية عبقة من الأندلس لكاليسيا..